ଜୟୀ ରାଜଗୁରୁଙ୍କ 214ତମ ବଳିଦାନ ଦିବସ ପାଳିତ

ପାଳିତ ହୋଇଛି ବିଶିଷ୍ଟ ସ୍ବାଧୀନତା ସଂଗ୍ରାମୀ ସହିଦ ଜୟୀ ରାଜଗୁରୁଙ୍କ 214ତମ ବଳିଦାନ ଦିବସ । ପଢନ୍ତୁ ଅଧିକ....

ଖୋର୍ଦ୍ଧା: ବିଶିଷ୍ଟ ସ୍ବାଧୀନତା ସଂଗ୍ରାମୀ ସହିଦ ଜୟୀ ରାଜଗୁରୁଙ୍କ 214ତମ ବଳିଦାନ ଦିବସ ଖୋର୍ଦ୍ଧା ସରସ୍ବତୀ ଶିଶୁ ବିଦ୍ୟା ମନ୍ଦିର ପରିସରରେ ପାଳିତ ହୋଇଛି। ଜୟୀ ରାଜଗୁରୁ ସ୍ମୃତି କମିଟି ପକ୍ଷରୁ ଏହି ଏହି କାର୍ଯ୍ୟକ୍ରମ ଆୟୋଜନ କରାଯାଇଥିଲା । ଏଥିରେ ଖୋର୍ଦ୍ଧା ଅଞ୍ଚଳର ବୁଦ୍ଧିଜୀବୀମାନେ ଯୋଗଦେଇ ଜୟୀ ରାଜଗୁରୁଙ୍କ ସ୍ମୃତି ଚାରଣ କରିବା ସହ ଓଡିଶାର ସ୍ବାଧୀନତା ଆନ୍ଦୋଳନରେ ତାଙ୍କର ଭୂମିକା ଉପରେ ଆଲୋଚନା କରିଥିଲେ ।

ଶିକ୍ଷାବିତ୍ ଧିରେନ୍ଦ୍ର ନନ୍ଦ ସଭା ପରିଚାଳନା କରିଥିବାବେଳେ ସମ୍ମାନିତ ଅତିଥି ରୂପେ ଆଇନଜୀବୀ ନରେନ୍ଦ୍ର ପୃଷ୍ଟି ସଭା ମଂଚରେ ଉପସ୍ଥିତ ଥିଲେ । ଖୋର୍ଦ୍ଧାରେ ସହିଦ ଜୟୀ ରାଜଗୁରୁଙ୍କ ଏକ ବଡ ପ୍ରତିମୂର୍ତ୍ତି ନିର୍ମାଣ ପାଇଁ ଜୟୀ ରାଜଗୁରୁ ସ୍ମୃତି କମିଟି ପକ୍ଷରୁ ଦାବି ମଧ୍ୟ କରାଯାଇଛି।

ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ