ସୁରଟରେ ଫସିଛନ୍ତି ଟାଙ୍ଗୀର 134 ଯୁବକ

ସୁରଟରେ ଫସିଛନ୍ତି ଟାଙ୍ଗୀର ଶହ ଶହ ଯୁବକ । ଉଦ୍ଧାର ପାଇଁ ରାଜ୍ୟ ସରକାରଙ୍କୁ କଲେ ଆକୁଳ ନିବେଦନ । ଅଧିକ ପଢନ୍ତୁ...

ଖୋର୍ଦ୍ଧା: ସୁରଟରେ ଫସିଛନ୍ତି ଟାଙ୍ଗୀର 134 ଯୁବକ । ଲକ୍‍ ଡାଉନ୍‍ ଯୋଗୁଁ ଖୋର୍ଦ୍ଧା ଜିଲ୍ଲା ଟାଙ୍ଗି ବ୍ଲକର ବିଭିନ୍ନ ଗାଁର ପ୍ରାୟ 134 ଯୁବକ ଗୁଜୁରାଟର ସୁରଟ ସହରର ସନାତନ ଡାଇମଣ୍ଡରେ ଫସି ରହିଛନ୍ତି । ସଂପୃକ୍ତ ଯୁବକ ମାନେ ସୁରଟର ବିଭିନ୍ନ କାରଖାନାରେ କାମ କରୁଥିଲେ ।

ପ୍ରଥମେ ଜନତା କର୍ଫ୍ୟୁ ଓ ତା’ପରେ ୨୧ଦିନିଆ ଲକ୍‍ଡାଉନ୍‍ ଘୋଷଣା କରି ଦିଆଯିବା ଫଳରେ ସବୁ କମ୍ପାନୀ ବନ୍ଦ ହୋଇଯାଇଥିଲା । ଫଳରେ ଟ୍ରେନ୍‍ ଚଳାଚଳ ମଧ୍ୟ ଠପ ହୋଇଯାଇଥିଲା । ଅନ୍ୟପଟେ ବସରେ ଆସିବାକୁ ହେଲେ ଜଣ ପିଛା୧୪୦୦ ଟଙ୍କା ବଦଳରେ ୩୫୦୦ ଟଙ୍କା ଦେବାକୁ ପଡୁଛି ବୋଲି ଅଭିଯୋଗ କରିଛନ୍ତି ଫସି ରହିଥିବା ଯୁବକ । ତେଣୁ କୌଣସି ଉପାୟରେ ଆଉ ଘରକୁ ଫେରିପାରୁ ନାହାନ୍ତି ।

ଏପରିକି ସେମାନଙ୍କ ପାଖରେ ଖାଇବା ପାଇଁ ଅର୍ଥ ନାହିଁ । ତେବେ, ଘରକୁ ଫେରାଇ ଆଣିବାକୁ ରାଜ୍ୟ ସରକାରଙ୍କୁ ଆକୁଳ ନିବେଦନ କରିଛନ୍ତି ଫସି ଥିବା ଯୁବକମାନେ।

ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା,ଇଟିଭି ଭାରତ