ଚୋରା ଶାଳକାଠ ଜବତ, ଅଭିଯୁକ୍ତ ଫେରାର୍

କେନ୍ଦୁଝର ଜିଲ୍ଲା ବଡ଼ବିଲ ରେଞ୍ଜରୁ 37 ଖଣ୍ଡ ଚୋରା ଶାଳକାଠ ଜବତ କରିଛି ବନବିଭାଗ । ଘଟଣା ସ୍ଥଳରୁ ଅଭିଯୁକ୍ତ ଫେରାର । ଅଧିକ ପଢନ୍ତୁ...

କେନ୍ଦୁଝର: ଚୋରା ଶାଳ କାଠ ଜବତ, ଅଭିଯୁକ୍ତ ଫେରାର୍ । କେନ୍ଦୁଝର ଜିଲ୍ଲା ବଡ଼ବିଲ ରେଞ୍ଜ୍ ଅଧିନସ୍ଥ ପିଏଚଡି ଅଞ୍ଚଳର କାଳନ୍ଦୀ ସାହିରୁ ଚୋରା ଶାଳକାଠ ଜବତ ହୋଇଛି ।

କୌଣସି ସୂତ୍ରରୁ ଖବରପାଇ କେନ୍ଦୁଝର ଜିଲ୍ଲାର ବଡ଼ବିଲ ବନବିଭାଗ ପକ୍ଷରୁ ରେଞ୍ଜର ମଧୂସୁଦନ ପାତ୍ରଙ୍କ ନେତୃତ୍ବରେ କାଳନ୍ଦୀ ସାହିରେ ଥିବା ରାଜୁ ଖାନ୍ ନାମକ ବ୍ୟକ୍ତିଙ୍କ ଘରେ ଅଚାନକ ଚଢ଼ଉ କରାଯାଇଥିଲା । ରାଜୁ ଖାନ୍ ସେଠାରୁ ଫେରାର୍ ହୋଇଯାଇଛନ୍ତି । ଏହି ଚଢ଼ାଉ ବେଳେ ଘରଭିତରେ ୩୭ ଖଣ୍ଡ ଚୋରା ସାଇଜ୍ ଶାଳକାଠକୁ ବିଭାଗ ଜବତ କରିଛି । ଜବତ୍ କାଠ ୧୯ ଘନଫୁଟ୍ ହେବ ଏବଂ ଏହାର ମୂଲ୍ୟ ପାଖାପାଖି ୩୦ ହଜାର ଟଙ୍କା ହେବ ବୋଲି ବନବିଭାଗ ସୂଚନା ଦେଇଛି।

କେନ୍ଦୁଝରରୁ ସନ୍ତୋଷ କୁମାର ମହାପାତ୍ର,ଇଟିଭି ଭାରତ