କେନ୍ଦୁଝର: ଜିଲ୍ଲାର ଘଟଗାଁ ଥାନା ଅନ୍ତର୍ଗତ ଢେଙ୍କିକୋଟ ବାଳିକା ଉଚ୍ଚ ବିଦ୍ୟାଳୟ ନିକଟରୁ ଚୋରା ଚାଲାଣ ହେଉଥିବା କାଠ ବୋଝେଇ ପିକଅପକୁ ବନ ବିଭାଗ ଜବତ କରିଛି । ଏହି ପିକଅପ ପ୍ରାୟ ଷାଠିଏ ହଜାର ଟଙ୍କାରୁ ଅଧିକ ମୂଲ୍ୟର କାଠକୁ ଚାଲାଣ କରୁଥିବା ସୂଚନା ମିଳିଛି ।
ଶୁକ୍ରବାର ଘଟଗାଁ ଥାନା ଅନ୍ତର୍ଗତ ସୀତାବିଞ୍ଚ ପଟୁ ଢେଙ୍କିକୋଟ ଅଭିମୁଖେ ଏକ କାଠ ବୋଝେଇ ପିକଅପ ଭ୍ୟାନ ଆସୁଥିବାର ବନ ବିଭାଗକୁ ଖବର ମିଳିଥିଲା । କାଠ ବୋଝେଇ ପିକଅପ୍ ଭ୍ୟାନଟି ଖସି ପଳାଇବାକୁ ଉଦ୍ୟମ କରୁଥିଲା । କିନ୍ତୁ ଢେଙ୍କିକୋଟ ବାଳିକା ଉଚ୍ଚ ବିଦ୍ୟାଳୟ ନିକଟରେ ବନ ବିଭାଗର ବୋଲେରୋ ସହ ମୁହାଁମୁହିଁ ହେବା ଫଳରେ ପିକଅପ ଷ୍ଟାର୍ଟ ବନ୍ଦ ହୋଇଯିବାରୁ ସେଠାରେ ଅଟକି ଯାଇଥିଲା । ଏହି ସମୟରେ ବନ ବିଭାଗ ପିକଅପକୁ ଜବତ କରିଥିଲେ ।
କେନ୍ଦୁଝରରେ ଚୋରା ଚାଲାଣ କାଠ ବୋଝେଇ ପିକଅପ ଜବତ