ତେଜିଲା ମଦ ବିରୋଧୀ ଆନ୍ଦୋଳନ, ମୁହାଁମୁହିଁ ମହିଳା-ପୋଲିସ

ମଦ ବ୍ୟବସାୟୀଙ୍କ ବିରୋଧରେ ଥାନା ଆଗରେ ଧାରଣାରେ ବସିଛନ୍ତି ମହିଳା । ଅନ୍ୟପକ୍ଷେ ଏହାକୁ ନେଇ ସାମ୍ନାସାମ୍ନି ହୋଇଛନ୍ତି ବିରୋଧୀ ମହିଳା ଓ ପୋଲିସ ।

ଆନନ୍ଦପୁର: କେନ୍ଦୁଝର ଜିଲ୍ଲା ଦଧିବାମନପୁରରେ ମଦ ବିରୋଧୀ ଆନ୍ଦୋଳନକୁ ନେଇ ଉତ୍ତେଜନାମୂଳକ ପରିସ୍ଥିତି ଲାଗିରହିଛି । ଫଳରେ ଶତାଧିକ ମହିଳା ଆନନ୍ଦପୁର ଥାନା ପରିସରରେ ମଦ ବ୍ୟବସାୟୀଙ୍କ ଗିରଫ ଦାବି କରି ଧାରଣାରେ ବସିଛନ୍ତି।

ପୋଲିସର ଏଯାଏଁ କୌଣସି କାର୍ଯ୍ୟାନୁଷ୍ଠାନ ନ ନେଇଥିବାରୁ ଉତ୍ତେଜନା ଚରମସୀମାରେ ପହଞ୍ଚିଛି । ଅନ୍ୟପକ୍ଷେ ଗୁରୁବାର(25 ଜୁଲାଇ) ମହିଳା ଓ ପୋଲିସ ମଧ୍ୟରେ ମୁହାଁମୁହିଁ ପରିସ୍ଥିତି ସୃଷ୍ଟି ହୋଇଛି । ପୋଲିସ ମହିଳାଙ୍କୁ ଥାନାରୁ ବାହାରି ଯିବାକୁ କହିବାରୁ ଉତ୍ତେଜନାମୂଳକ ପରିସ୍ଥିତି ଦେଖିବାକୁ ମିଳିଥିଲା । ଯେ ପର୍ଯ୍ୟନ୍ତ ବ୍ୟବସାୟୀକୁ ଗିରଫ ନ କରାଯାଇଛି ସେଯାଏଁ ଥାନା ପରିସରରେ ଧାରଣାରେ ବସିବାକୁ ମହିଳାମାନେ ଜିଦ ଧରିଛନ୍ତି ।

ଆନନ୍ଦପୁରରୁ ସ୍ମୃତି ରଞ୍ଜନ ବିହାରୀ, ଇଟିଭି ଭାରତ