କେନ୍ଦୁଝର:ନିଖୋଜ ନାବାଳିକା ମିଳିବା ଦାବି ନେଇ ଏସ୍ପି ଅଫିସରେ କିରୋସିନ ଢାଳି ମାଆଙ୍କ ଆତ୍ମହତ୍ୟା ଉଦ୍ୟମ । ଗତ ଜୁନ ୨ ତାରିଖ ଟାଉନ ଥାନା ଅଞ୍ଚଳରେ ଜଣେ ନାବାଳିକା ନିଖୋଜ ହେବା ଘଟଣାରେ ମାଆ ଥାନାର ଦ୍ଵାରସ୍ଥ ହୋଇଥିଲେ । ପୋଲିସ ପକ୍ଷରୁ କୌଣସି ସୁଫଳ ନ ମିଳିବାରୁ ଆଜି SP ଅଫିସରେ ଆଗରେ ଆତ୍ମହତ୍ୟା ଉଦ୍ୟମ କରିଛନ୍ତି ।
ଗତ 2 ତାରିଖରେ ଝିଅ ନିଖୋଜ ନେଇ ଥାନାରେ ଅଭିଯୋଗ ପରେ ପୁଣି ୬ ତାରିଖ ଜିଲ୍ଲାପାଳ ଓ ଏସପିଙ୍କ ମିଳିତ ଅଭିଯୋଗ ଶୁଣାଣି ପ୍ରକୋଷ୍ଠରେ ମହିଳା ଜଣକ ନିଜର ଗୁହାରି ଜଣାଇଥିଲେ । ହେଲେ ଏ ପର୍ଯ୍ୟନ୍ତ ଝିଅର କୌଣସି ଖବର ନ ମିଳିବାରୁ ଆଜି ବାଧ୍ୟ ହୋଇ ଦେହରେ କିରୋସିନ ଢାଳି ଆତ୍ମହତ୍ୟା କରିବାକୁ ଚେଷ୍ଟା କରିଥିଲେ । ଠିକ ସମୟରେ ପୋଲିସ ପହଞ୍ଚି ଆତ୍ମହତ୍ୟାରୁ ବାରଣ କରିଥିଲେ । ଏହାପରେ ଏସପିଙ୍କୁ ଭେଟି ଝିଅକୁ ଖୋଜିବା ନେଇ ନିବେଦନ କରିଥିଲେ । ଏନେଇ ଏସପିଙ୍କୁ ମିତ୍ରଭାନୁ ମହାପାତ୍ରଙ୍କୁ ପଚାରିବାରୁ ତଦନ୍ତ କରି ଯଥାଶୀଘ୍ର ଝିଅକୁ ଉଦ୍ଧାର କରାଯିବ ବୋଲି କହିଛନ୍ତି ।
ଇଟିଭି ଭାରତ, କେନ୍ଦୁଝର