ଆନନ୍ଦପୁର: ପୁଣି ଆସିଲା ବଧୂହତ୍ୟା ଅଭିଯୋଗ । ଆନନ୍ଦପୁର ଉପଖଣ୍ଡ ଘସିପୁରା ଥାନା ଅଧିନ କେନ୍ଦୁଆ ଗାଁରେ ଜଣେ ମହିଳାଙ୍କ ଝୁଲନ୍ତା ଅବସ୍ଥାରେ ମୃତଦେହ ଉଦ୍ଧାର କରାଯାଇଛି । ତେବେ ଝିଅର ବାପ ଘର ଲୋକେ ଝିଅକୁ ମାରିଦେଇଥିବା ଅଭିଯୋଗ କରିଛନ୍ତି ।
ମହିଳାଙ୍କ ଝୁଲନ୍ତା ମୃତଦେହ ଉଦ୍ଧାର, ହତ୍ୟା ଅଭିଯୋଗ
ଖବର ଅନୁଯାୟୀ ୧୨ବର୍ଷ ପୂର୍ବରୁ କେନ୍ଦୁଆ ଗାଁର ରାମଚନ୍ଦ୍ର ମହାନ୍ତିଙ୍କ ପୁଅ ଜୀବନ ଗଞ୍ଜାମ ଜିଲ୍ଲା କବିସୂର୍ଯ୍ୟନଗରର କିଶୋର ଚନ୍ଦ୍ର ବଡ଼ଜେନାଙ୍କ ଝିଅ ସ୍ଵର୍ଣ୍ଣପ୍ରଭାଙ୍କ ସହିତ ବୈଦିକ ରୀତିନୀତିରେ ବିବାହ ହୋଇଥିଲା । ବିବାହ ପରେ ଘରୋଇ ପରିସ୍ଥିତିକୁ ନେଇ ଉଭୟଙ୍କ ମଧ୍ୟରେ ଝଗଡା ହେଉଥିଲା। ତେବେ ସ୍ବର୍ଣ୍ଣପ୍ରଭାଙ୍କୁ ଶାଶୁଘର ଲୋକେ ପୂର୍ବରୁ ନିର୍ଯାତନା ଦେଉଥିବାର ଚିତ୍ର ମଧ୍ୟ ସାମନାକୁ ଆସିଛି ।