ଆନନ୍ଦପୁର: କେନ୍ଦୁଝର ଜିଲ୍ଲା ରାମଚନ୍ଦ୍ରପୁର ଥାନା ଅନ୍ତର୍ଗତ ବରାଙ୍ଗ ସଂରକ୍ଷିତ ଜଙ୍ଗଲରୁ ମହିଳାଙ୍କ ମୃତଦେହ ଉଦ୍ଧାର କରାଯାଇଛି । ମୃତ ମହିଳାଙ୍କ ମାନସିକ ସ୍ଥିତି ଠିକ ନଥିବା ବେଳେ ସେ ଗତ 10 ଦିନ ଧରି ନିଖୋଜ ଥିଲେ । ରାମଚନ୍ଦ୍ରପୁର ଥାନା ପୋଲିସ ଏକ ଅପମୃତ୍ୟୁ ମାମଲା ରୁଜୁ କରିଥିବା ଜଣାପଡିଛି ।
ଜଙ୍ଗଲରୁ ମହିଳାଙ୍କ ମୃତଦେହ ଉଦ୍ଧାର
ମୃତ ମହିଳା ହେଉଛନ୍ତି ପୁରୁଣାବାନ୍ଧଗୋଡା ପଞ୍ଚାୟତର ନଣ୍ଡାବର ଗ୍ରାମର ଭ୍ରମରବର ଜେନାଙ୍କ ପତ୍ନୀ ଅମ୍ବିକା ଜେନା । ସୂଚନା ଅନୁସାରେ ଅମ୍ବିକା ଗତ ୧୮ ଏପ୍ରିଲ ତାରିଖରେ କେଉଁଆଡେ ଚାଲିଯାଇଥିଲେ । ପରିବାର ଲୋକଙ୍କ କହିବା ଅନୁସାରେ ସେ ମାନସିକ ବିକୃତି ରୋଗରେ ଆକ୍ରାନ୍ତ ଥିଲେ। ପରିବାର ଲୋକମାନେ ସବୁଆଡେ ଖୋଜାଖୋଜି କରିବା ପରେ ପରଦିନ ରାମଚନ୍ଦ୍ରପୁର ଥାନାରେ ମୃତ ମହିଳା ନିଖୋଜ ଥିବାର ଅଭିଯୋଗ କରିଥିଲେ।