କେନ୍ଦୁଝର: କୋରୋନା ପାଇଁ ସାରା ଦେଶ ଲକ୍ଡାଉନ୍ ଥିବାବେଳେ ଦିନ ମଜୁରିଆ, ଖଟିଖିଆ ଓ ଶ୍ରମିକ ଶ୍ରେଣୀର ଲୋକଙ୍କ ଘରେ ଚୁଲି ଜଳୁନାହିଁ । ଏହି ଗରିବ ଦିନ ମଜୁରିଆଙ୍କ ଘରେ ଖାଦ୍ୟ ପହଞ୍ଚାଇବା ପାଇଁ ଅଣ୍ଟା ଭିଡିଛନ୍ତି ପାଟଣା ଅଞ୍ଚଳର କିଛି ସ୍ବେଚ୍ଛାସେବୀ ।
ଦିନମଜୁରିଆଙ୍କୁ ରନ୍ଧାଖାଦ୍ୟ ବାଣ୍ଟିଲେ ସ୍ବେଚ୍ଛାସେବୀ
କେନ୍ଦୁଝର ଜିଲ୍ଲା ପାଟଣା ବ୍ଲକ ପାଟଣା ସୁରକ୍ଷା କମିଟି ତରଫରୁ ବଡ଼ପାଟଣା ପଞ୍ଚାୟତ ସ୍ବାମ ମୁଣ୍ଡା ସାହି ଓ ମଙ୍ଗଳପୁର ମୁଣ୍ଡା ସାହିରେ ରବିବାର ୧୦୦ ରୁ ଊର୍ଦ୍ଧ୍ବ ଲୋକଙ୍କୁ ରନ୍ଧା ଖାଦ୍ୟ ବଣ୍ଟା ଯାଇଥିଲା । ଏହି ସଂଗଠନର ଯୁବକମାନେ ସାମାଜିକ ଦୂରତ୍ବ ବଜାଇ ରଖି ଘରକୁ ଘର ବୁଲି ରନ୍ଧା ଖାଦ୍ୟ ବାଣ୍ଟିବା ସହ ଘରେ ରହିବାକୁ ଲୋକଙ୍କୁ ସଚେତନ କରିଥିଲେ।