ଭିଜିଲାନ୍ସ ଜାଲରେ ଟେକନିକାଲ କନସଲଟାଣ୍ଟ, ଏକା ସଙ୍ଗେ ୪ଟି ସ୍ଥାନରେ ଚଢ଼ାଉ

ଭିଜିଲାନ୍ସ ଜାଲରେ ଯୋଡ଼ା ବ୍ଲକ ସର୍ବଶିକ୍ଷା ଅଭିଯାନର ଟେକନିକାଲ କନସଲଟାଣ୍ଟ କ୍ଷେତ୍ରବାସୀ ମହାନ୍ତ । ଅଧିକ ପଢନ୍ତୁ...

କେନ୍ଦୁଝର: ଭିଜିଲାନ୍ସ ଜାଲରେ ଯୋଡ଼ା ବ୍ଲକ ସର୍ବଶିକ୍ଷା ଅଭିଯାନର ଟେକନିକାଲ କନସଲଟାଣ୍ଟ କ୍ଷେତ୍ରବାସୀ ମହାନ୍ତ । ଆୟ ବହିର୍ଭୁତ ସମ୍ପତ୍ତି ଠୁଳ ଅଭିଯୋଗରେ ଆଜି ଭିଜିଲାନ୍ସ ବିଭାଗ ପକ୍ଷରୁ କେନ୍ଦୁଝର ପଵିତ୍ରଡ଼ିହା ବାସଭବନ ସମେତ ୪ଟି ସ୍ଥାନରେ ଚଢାଉ କରାଯାଇଛି । ଏହା ସହ ତାଙ୍କ ଯୋଡ଼ାସ୍ଥିତ କାର୍ଯ୍ୟାଳୟ, ରଘୁନାଥପୁର ପୈତୃକ ବାସଭବନ ଓ ଜଯପସି ଠାରେ ଥିବା ଶ୍ବଶୁର ଘର ସହ କେନ୍ଦୁଝର ସହର ପବିତ୍ର ଡିହା ଶ୍ରୀ ବିହାରସ୍ଥିତ ବାସଭବନରେ ଚଢ଼ାଉ ଚାଲିଛି ।

ସୂଚନାରୁ ପ୍ରକାଶ ଯେ କ୍ଷେତ୍ରବାସୀଙ୍କ ନାଁରେ ଦୀର୍ଘଦିନ ଧରି ଆୟ ବହିର୍ଭୁତ ନେଇ ଅଭିଯୋଗ ହୋଇ ଆସୁଥିଲା । ତାଙ୍କ ସରକାରୀ ବାସଭବନ ଓ କାର୍ଯ୍ୟାଳୟ ଠାରେ ଚଢ଼ାଉ ପରେ ଅଧିକ ତଥ୍ୟ ମିଳିବ ବୋଲି ଭିଜିଲାନ୍ସ ବିଭାଗ ପକ୍ଷରୁ ସୂଚନା ଦିଆଯାଇଛି ।

କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ