କେନ୍ଦୁଝର:5 ହଜାର ଟଙ୍କା ଲାଞ୍ଚ ନେବାବେଳେ ଭିଜିଲାନ୍ସ ହାତରେ ଧରା ପଡିଛନ୍ତି ଚମ୍ପୁଆ ଆର.ଏମ.ସି ବିଭାଗର ଆକାଉଣ୍ଟାଣ୍ଟ ଜନାର୍ଦ୍ଦନ ପୃଷ୍ଟି। ତାଙ୍କୁ ଆଜି ଗିରଫ କରାଯାଇଛି । ଜଣେ ଅବସରପ୍ରାପ୍ତ କର୍ମଚାରୀଙ୍କ ବିଧବା ପତ୍ନୀଙ୍କଠୁ ବକେୟା ବାବଦରେ ଅର୍ଥ ମଞ୍ଜୁରୀ କରାଇବା ପାଇଁ 10ହଜାର ଟଙ୍କା ଲାଞ୍ଚ ମାଗିଥିଲେ।
ଭିଡିଓ ସୌଜନ୍ୟ:ସମ୍ବାଦଦାତା, କେନ୍ଦୁଝର
ସୂଚନା ଅନୁସାରେ, ଜନାର୍ଦ୍ଦନ ପୃଷ୍ଟିଙ୍କ କାର୍ଯ୍ୟାଳୟରେ ମାର୍କେଟ ଗାର୍ଡ ହରେକୃଷ୍ଣ ମହାନ୍ତ ଗତ 2014 ମସିହାରେ ଅବସର ଗ୍ରହଣ କରିଥିଲେ। ଏହି ସମୟ ମଧ୍ୟରେ ତାଙ୍କ ଦେହାନ୍ତ ହେବା ପରେ ତାଙ୍କ ଛୁଟି ବାବଦ ଅର୍ଥ ମଞ୍ଜୁର କରାଇବାକୁ ତାଙ୍କ ବିଧବା ପତ୍ନୀ ମହାନ୍ତଙ୍କ ଠାରୁ 10 ହଜାର ମାଗିଥିଲେ । ତେବେ 5 ହଜାର ଟଙ୍କାର ମୂଲଚାଲ ପରେ ଅନିତା କେନ୍ଦୁଝର ଭିଜିଲାନ୍ସ ବିଭାଗର ଦ୍ବାରସ୍ଥ ହୋଇଥିଲେ ।