ଅଜଣା ଯୁବକର ଗଳିତ ମୃତଦେହ ଉଦ୍ଧାର, ହତ୍ୟା ସନ୍ଦେହ

କେନ୍ଦୁଝର ସଦର ଥାନା ଅଞ୍ଚଳରେ ଏକ ଅଜଣା ଯୁବକର ମୃତଦେହ ଉଦ୍ଧାର ହୋଇଛି । ଜଙ୍ଗଲ ମଧ୍ୟରେ ମୃତ ଦେହକୁ ରଶି ମଧ୍ଯମରେ ଗଛରେ ଝୁଲୁଛି ।

କେନ୍ଦୁଝର : ଅଜଣା ଯୁବକର ଗଳିତ ମୃତଦେହ ଉଦ୍ଧାର । ଯୁବକକୁ ହତ୍ୟା କରାଯାଇଥିବା ସନ୍ଦେହ କରାଯାଉଛି । ମୃତଦେହ ବର୍ତ୍ତମାନ ପର୍ଯ୍ୟନ୍ତ ଚିହ୍ନଟ କରାଯାଇନାହିଁ ।

ସୂଚନା ଅନୁଯାୟୀ କେନ୍ଦୁଝର ସଦର ଥାନା ଅନ୍ତର୍ଗତ ମୌଦାନକେଲା ପଞ୍ଚାୟତର ବାସୁଦେବପୁର ଜଙ୍ଗଲ ମଧ୍ୟରେ ଯୁବକଟି ଏକ ରଶି ଲଗେଇ ଓହଳି ଥିବା ଦେଖିବାକୁ ମିଳିଛି । ଯୁବକଙ୍କୁ କିଏ ମାରି ଟାଙ୍ଗି ଦେଇଥିବା ସନ୍ଦେହ କରାଯାଇଛି । ଘଟଣା ସ୍ଥଳରେ ବର୍ତ୍ତମାନ ପର୍ଯନ୍ତ ପୋଲିସ ପହଞ୍ଚିନାହିଁ ।

ଘଟଣାସ୍ଥଳରୁ ଯୁବକର ଜ୍ୟାକେଟ ଓ ଚପଲ ମିଳିଛି । ଘଟଣାସ୍ଥଳରେ ସ୍ଥାନୀୟ ଲୋକମାନେ ଜମା ହୋଇ ଯାଇଥିବା ବେଳେ ପୋଲିସ ପହଞ୍ଚି ନଥିବା ସୂଚନା ମିଳିଛି । ପ୍ରକାଶ ଯେ ଉକ୍ତ ଅଞ୍ଚଳରେ ରାସ୍ତା କଡରେ ଦୁଇ ଦିନ ତଳେ ଏକ ଅଟୋ ଛିଡା ହୋଇଥିବା ବେଳେ କେହି ନଥିବା ଦେଖି ସଦର ପୋଲିସ ଗାଡିଟିକୁ ଜବତ କରିଥିଲା ।

କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ