ଶୌଚ ହେବାକୁ କେନ୍ଦ୍ର କରି ପଡୋଶୀଙ୍କ ଆକ୍ରମଣରେ 2 ଯା’ ଗୁରୁତର

ଆନନ୍ଦପୁର ଥାନା ଫକୀରପୁର ଗାଁରେ ପଡୋଶୀଙ୍କ ଆକ୍ରମଣରେ ୨ ମହିଳା ଗୁରୁତର ହୋଇ ଆନନ୍ଦପୁର ଡାକ୍ତରଖାନାରେ ଭର୍ତ୍ତି ହୋଇଛନ୍ତି ।

ଆନନ୍ଦପୁର: ପଡୋଶୀଙ୍କ ଆକ୍ରମଣରେ ୨ ମହିଳା ଗୁରୁତର । ଆନନ୍ଦପୁର ଥାନା ଫକୀରପୁର ଗାଁରେ ପଡୋଶୀଙ୍କ ଆକ୍ରମଣରେ ୨ ମହିଳା ଗୁରୁତର ହୋଇ ଆନନ୍ଦପୁର ଡାକ୍ତରଖାନାରେ ଭର୍ତ୍ତି ହୋଇଛନ୍ତି । ଗୁରୁତର ମହିଳା ଗାଁର ସଂଞ୍ଜୁଲତା ଓ କନକ । ଏମାନେ ସମ୍ପର୍କରେ ଦୁହେଁ ଦୁଇ ଜାଆ ହୋଇଥିବା ଜଣାପଡିଛି ।

ମିଳିଥିବା ସୂଚନା ଅନୁସାରେ, ଗୁରୁବାର ଭରତଙ୍କ ୨ବର୍ଷର ନାତୀ ପଡିଶା ଘର ଦୁଆରେ ଶୌଚ ହେବାକୁ କେନ୍ଦ୍ରକରି ସଂଞ୍ଜୁଲତାଙ୍କ ସହ ପଡିଶା ଘରର ପ୍ରଥମେ ବଚସା ଓ ପରେ ହାତାହାତି ହୋଇଥିଲା ।

ମାତ୍ର ଏହି ଘଟଣାକୁ କେନ୍ଦ୍ରକରି ଗୁରୁବାର ପଡିଶା ଘରଲୋକେ ଶୁକ୍ରବାର ଘରେ ପଶି ସଂଞ୍ଜୁଲତାଙ୍କୁ ଆକ୍ରମଣ କରିଥିଲେ । ତାଙ୍କୁ ଉଦ୍ଧାର କରିବାକୁ ଯାଇ ଜାଁଆ କନକ ମଧ୍ୟ ଆକ୍ରମଣର ଶିକାର ହୋଇଥିଲେ । ତେବେ ଏନେଇ ଥାନାରେ ଅଭିଯୋଗ ହୋଇ ନଥିବାବେଳେ ଆକ୍ରମଣରେ ପଡୋଶୀ ଦିଲୁ ମହାନ୍ତି, ସଂଜୀବ ମହାନ୍ତି, ନାରାୟଣ ମହାନ୍ତିଙ୍କ ସହ ଅନ୍ୟ କେତେକ ସାମିଲ ଥିବା ଅଭିଯୋଗ ହୋଇଛି ।

ଆନନ୍ଦପୁରରୁ ସ୍ମୃତି ରଞ୍ଜନ ବିହାରୀ, ଇଟିଭି ଭାରତ