ଆନନ୍ଦପୁର: କେନ୍ଦୁଝର ଜିଲ୍ଲାରେ ଜଣେ ଯୁବତୀଙ୍କ ଅଶ୍ଳୀଳ ଭିଡିଓ ଭାଇରାଲ ଘଟଣାରେ 2 ଜଣ ଯୁବକଙ୍କୁ ଗିରଫ କରିଛି ଘସିପୁରା ପୋଲିସ । ମଙ୍ଗଳବାର ଯୁବତୀ ଜଣକ ଭାଇରାଲ ଭିଡିଓ ସମ୍ପର୍କରେ ଥାନାରେ ଲିଖିତ ଅଭିଯୋଗ କରିଥିଲେ । ଘସିପୁରା ଥାନା କେସ୍ ନଂ ୧୩୧/୨୦୨୦ ରେ ପୋଲିସ ଏକ ମାମଲା ରୁଜୁ କରିଥିଲା ।
ବୁଧବାର ଘସିପୁରା ପୋଲିସ ଚଢାଉ କରି ତୁଳସୀପୁର ଗ୍ରାମର ଚିନ୍ମୟ ମିଶ୍ର ଓ ରାମଚନ୍ଦ୍ରପୁର ଥାନା ସାଇଁକୁଳ ଗାଁର ଜନ୍ମଜୟ ମିଶ୍ରକୁ ଗିରଫ କରିଛି । ଉଭୟ ଯୁବକ ପୂର୍ବରୁ ଯୁବତୀଙ୍କ ପରିଚିତ ଥିବାବେଳେ ସୋସିଆଲ ମିଡିଆରେ ଭିଡିଓ ଭାଇରାଲ କରିଥିବା ଜଣାପଡିଛି । ଗିରଫ ଅଭିଯୁକ୍ତଙ୍କ ବିରୋଧରେ ଆଇପିସିର ଧାରା 500, 506 ଓ 66ଇ, 67ଏ ଆଇଟି ଆକ୍ଟ ଲଗାଯାଇ କୋର୍ଟ ଚାଲାଣ କରାଯାଇଛି ।
ଆନନ୍ଦପୁରରୁ ସ୍ମୃତିରଞ୍ଜନ ବିହାରୀ, ଇଟିଭି ଭାରତ
