କେନ୍ଦୁଝର: ଜିଲ୍ଲାର ସଦର ଥାନା ଅଧିନସ୍ଥ ଗୋପାଳପୁର ନିକଟରେ ଘଟିଛି 2ଟି ପୃଥକ ପୃଥକ ଦୁର୍ଘଟଣା। ଯେଉଁଥିରେ 2 ଜଣଙ୍କ ମୃତ୍ୟୁ ହୋଇଥିବା ବେଳେ, 3 ଜଣ ଗୁରୁତର ଆହତ ହୋଇଛନ୍ତି । ସେପଟେ ଏଠାରେ ଦିନକୁ ଦିନ ଦୁର୍ଘଟଣା ବଢୁଥିବାରୁ ରାସ୍ତାରୋକ କରିଛନ୍ତି ସ୍ଥାନୀୟ ଲୋକେ ।
ଗତକାଲି ରାତିରେ ଟ୍ରକ ଓ କାର ମଧ୍ୟରେ ଧକ୍କା ହୋଇ 3 ଜଣ ଗୁରୁତର ହୋଇଥିବାବେଳେ କିଛି ସମୟ ବ୍ୟବଧାନରେ ଦୁଇଟି ଟ୍ରକ ମୁହାଁମୁହିଁ ହୋଇଥିଲା । ଦୁର୍ଘଟଣା ଏପରି ଘଟିଥିଲା ଯେ 2 ଜଣ ଡ୍ରାଇଭର ଟ୍ରକ ମଧ୍ୟରେ ଚାପି ହୋଇ ରହିଯାଇଥିଲେ । ଅଗ୍ନିଶମ ବିଭାଗ ଖବର ପାଇ ଚାରି ଘଣ୍ଟା ଅକ୍ଲାନ୍ତ ପରିଶ୍ରମ ପରେ ଟ୍ରକକୁ କାଟି ମୃତ ଡ୍ରାଇଭରଙ୍କ ଶବକୁ କାଢିଥିଲା ।
କେନ୍ଦୁଝରରେ ଦୁଇଟି ସ୍ଥାନରେ ଦୁର୍ଘଟଣା; 2 ମୃତ, 3 ଗୁରୁତର ଆହତ