କେନ୍ଦୁଝର: ଟ୍ରେନ ଧକ୍କାରେ ଆଖି ବୁଜିଲେ 3 ହାତୀ । କେନ୍ଦୁଝର ଜିଲ୍ଲା ବାଂଶପାଣୀ ବେହେରା ହଟିଂ ନିକଟ ରେଳଧାରଣାରେ ୨୨ ଟିକିଆ ହାତୀ ପଲ ଧାରଣା ଅତିକ୍ରମ କରୁଥିବାବେଳେ ଗତକାଲି( ଶୁକ୍ରବାର) ବିଳମ୍ବିତ ରାତିରେ ସେମାନଙ୍କୁ ଏକ ମାଲବାହୀ ଟ୍ରେନ୍ ଧକ୍କା ଦେଇଥିଲା । ଗୋଟିଏ ମାଈ ହାତୀ ସମେତ 2ଟି ଛୁଆ ହାତୀର ମୃତ୍ୟୁ ହୋଇଛି ।
ଟ୍ରେନ୍ ଧକ୍କାରେ ଆଖି ବୁଜିଲେ 3 ହାତୀ
22 ଟିକିଆ ଟିକିଆ ହାତୀପଲ ସନ୍ଧ୍ୟାରେ କେନ୍ଦୁଝର ବେହେରା ହଟିଂ ନିକଟରେ ରେଳ ଧାରଣା ପାରି ହେଉଥିଲେ । ଏହି ସମୟରେ ବାଂଶପାଣୀ-ଜୁରୁଡ଼ି ରେଳପଥର ୪୦୪ ନମ୍ବର ପିଲାର ନିକଟରେ ଦ୍ରୁତ ଗତିରେ ଆସୁଥିବା ଏକ ମାଲବାହୀ ଟ୍ରେନ ହାତୀପଲଙ୍କୁ ଧକ୍କା ଦେଇଥିଲା । ଫଳରେ 3 ହାତୀ ଗୁରୁତର ହୋଇଥିଲେ । ଆଜି 3 ହାତୀଙ୍କର ମୃତ୍ୟୁ ହୋଇଛି । ହାତୀ ପଲ ଦୀର୍ଘ ଏକ ସପ୍ତାହ ଧରି ନିକଟସ୍ଥ ଜଙ୍ଗଲରେ ଡେରା ପକାଇଥିବାବେଳେ ବନବିଭାଗର ସେମାନଙ୍କ ପ୍ରତି ନିଘା ନ ଥିବା ଅତ୍ୟନ୍ତ ପରିତାପର ବିଷୟ ବୋଲି ପରିବେଶବିତ୍ମାନେ କହିଛନ୍ତି ।