ଆନନ୍ଦପୁର: ବର୍ଷା ଜଳକୁ ସଂରକ୍ଷିତ କରି ଆଡିବନ୍ଧ ଜରିଆରେ ଚାଷଜମିକୁ ସେଚନର ବ୍ୟବସ୍ଥା କରିବାକୁ ରାଜ୍ୟ ସରକାର ରାଜକୋଷରୁ କୋଟି କୋଟି ଟଙ୍କା ଖର୍ଚ୍ଚ କରୁଥିବାବେଳେ ଅନେକ ସ୍ଥାନରେ ସରକାରୀ ବାବୁଙ୍କ ମନୋମୁଖୀ କାର୍ଯ୍ୟ ଏବଂ ତ୍ରୁଟିପୂର୍ଣ୍ଣ ନିର୍ମାଣ ଶୈଳୀ ଯୋଗୁଁ ତାହା ଚାଷୀଙ୍କ କାର୍ଯ୍ୟରେ ଲାଗି ପାରୁନଥିବା ଦେଖିବାକୁ ମିଳିଛି । ଏମିତି ଏକ ଅବ୍ୟସ୍ଥା ସାମ୍ନକୁ ଆସିଛି,ଘସିପୁରା ବ୍ଲକ ଅଳତି ପଞ୍ଚାୟତ ବେଲସୁନ୍ଦରୀ ମୌଜାରେ ଥିବା ରାଣୀବେଡା କ୍ଷୂଦ୍ର ଜଳସେଚନ ପ୍ରକଳ୍ପରେ ।
ଖର୍ଚ୍ଚ ହେଉଛି କୋଟି କୋଟି ଟଙ୍କାର ରାଜସ୍ବ, ତ୍ରୁଟିପୂର୍ଣ୍ଣ ଆଡିବନ୍ଧ ନିର୍ମାଣ ପାଇଁ ଜମିକୁ ମାଡୁନି ପାଣି
ଏହି ପ୍ରକଳ୍ପ ଉପରେ ବିଶେଷ କରି ଜନାର୍ଦ୍ଦନପୁର ପାଟଣା ଓ ପଦନପୁର ପ୍ରଭୁତି ୨ଟି ଗ୍ରାମର ଶହ ଶହ ଏକର ଚାଷଜମି ଜଳ ସେଚିତ ହୋଇଥାଏ । କିନ୍ତୁ ଚଳିତ ବର୍ଷ ବନ୍ଧ ମରାମତି ନାଁରେ ୫୦ ଲକ୍ଷରୁ ଉର୍ଦ୍ଧ ଟଙ୍କା ବ୍ୟୟ କରାଯାଇ ଥିବାବେଳେ ସୁଇଜ ଗେଟରେ ତ୍ରୁଟି ଯୋଗୁ ଜଳ ସଂରକ୍ଷଣ ବଦଳରେ ବନ୍ଧ ତଳକୁ ବହି ଯାଉଥିବା ଦେଖିବାକୁ ମିଳିଛି ।