କେନ୍ଦୁଝର: ସ୍ଥାୟୀ ନିଯୁକ୍ତି ଦାବିରେ ଅନଶନରେ ବସିଛନ୍ତି ସଫେଇ କର୍ମଚାରୀ । ଜିଲ୍ଲା ମୁଖ୍ୟଚିକିତ୍ସାଳୟରୁ ଛଟେଇ ହୋଇଥିବା 15ଜଣ ସଫେଇ କର୍ମଚାରୀ ଜିଲ୍ଲା ମୁଖ୍ୟଚିକିତ୍ସାଳୟ ଅଧିକାରୀଙ୍କ କାର୍ଯ୍ୟାଳୟରେ 4ଦିନ ହେବ ଅନଶନରେ ବସିଛନ୍ତି ।
ସ୍ଥାୟୀ ଚାକିରି ଦାବିରେ ସଫେଇ କର୍ମଚାରୀଙ୍କ ଅନଶନ
ସେମାନଙ୍କ ଅଭିଯୋଗ ଅନୁଯାୟୀ, ଦୀର୍ଘ ୧୨ ବର୍ଷ ଧରି ଜିଲ୍ଲା ମୁଖ୍ୟ ଚିକିତ୍ସାଳୟରେ କାର୍ଯ୍ୟ କଲୁ । ନିଯୁକ୍ତି ସମୟରେ ଚାକିରୀ ସ୍ଥାୟୀ ହେବ ବୋଲି କହିଥିଲେ । କିନ୍ତୁ ବର୍ତ୍ତମାନ ନୂତନ ଆଇନ ଅନୁଯାୟୀ ରୋଗୀ କଲ୍ୟାଣ ସମିତି ଅଧିନରେ ଥିବା ଚାକିରିରୁ ଛଟେଇ କରାଗଲା । ଏବେ ଏନଆରଏଚଏମ ଦ୍ବାରା ନିର୍ମଳ ଯୋଜନା ରେ ମଧ୍ୟ ଅସ୍ଥାୟୀ ଭାବେ ଚାକିରି କରିବାକୁ କୁହାଯାଉଛି । ଅନ୍ୟପଟେ ଉକ୍ତ ନିର୍ମଳ ଯୋଜନାକୁ କାର୍ଯ୍ୟକାରୀ କରୁଥିବା ସଂସ୍ଥା ଆମକୁ ରଖିବାକୁ ମନା କରୁଥିବାରୁ ଆମେ ଅନଶନରେ ବସିଛି ।