ଆନନ୍ଦପୁର:ଘଷିପୁରା ଥାନା କେନ୍ଦୁଆ ଗ୍ରାମରେ ଘଟିଯାଇଛି ଏକ ଅଭାବନୀୟ ଘଟଣା । ଭଣଜାକୁ ହତ୍ୟା କରିଥିବା ସନ୍ଦେହରେ ମାମୁଁ ଗୋପାଳ ପଲେଇ ଥାନାରେ ଅଟକ ଥିବା ଜଣାପଡିଛି । ସୂଚନାମୁତାବକ,ଦୀର୍ଘଦିନ ହେବ ପାରିବାରିକ କଳହକୁ କେନ୍ଦ୍ର କରି କେନ୍ଦୁଝର ଜିଲ୍ଲା ବାଂଶପାଳ ବ୍ଲକରେ ମାନ ନାଏକଙ୍କୁ ବିବାହ କରିଥିବା ମିଞ୍ଜୁ ନାଏକ କେନ୍ଦୁଆ ଗ୍ରାମର ନିଜ ଭାଇ ଗୋପାଳଙ୍କ ଘରେ ରହି ଆସୁଥିଲେ।
ଭଣଜାର ସନ୍ଦେହଜନକ ମୃତ୍ୟୁ; ହତ୍ୟା ସନ୍ଦେହରେ ମାମୁଁ ଅଟକ
ତାଙ୍କ ୧୦ ବର୍ଷର ପୁଅ ଶିବଚରଣ ନାଏକ ମଧ୍ୟ ସେଠାରେ ରହି ପାଠ ପଢୁଥିଲେ । ଶୁକ୍ରବାର ଅଚାନକ ଶିବଚରଣ ଖେଳିବାକୁ ଯାଇ ଆଉ ଘରକୁ ଫେରି ନଥିଲେ। ଶିବଙ୍କୁ ମା ମିଞ୍ଜି ଅନେକ ଖୋଜାଖୋଜି କରିବା ପରେ ମଧ୍ୟ ପାଇ ନଥିଲେ । ଶିବଙ୍କ ମାମୁଁ ଗୋପାଳଙ୍କ କହିବା ଅନୁଯାୟୀ ରାତି ସେ ବାହାରକୁ ଉଠିଲା ବେଳେ ତାଙ୍କ ଭଣଜା ଶିବର ମୃତଦେହ ଘର ବାହାରେ ପଡିଥିବା ଦେଖିବାକୁ ପାଇଥିଲେ । ସେ ଏ ବିଷୟରେ କାହାକୁ କିଛି ନଜଣାଇ ଶିବର ମୃତଦେହକୁ ପୋଡି ଦେଇଥିବା ଗୋପାଳ କହିଛନ୍ତି ।