କେନ୍ଦୁଝର: ସରିଛି ପ୍ରଭୁ ଶ୍ରୀଜଗନ୍ନାଥଙ୍କ ଘୋଷଯାତ୍ରା । ଜଗନ୍ନାଥ ଭାଇଭଉଣୀଙ୍କ ସହ ମାଉସୀ ମା' ଘରୁ ନିଜ ଘରକୁ ଫେରିଛନ୍ତି ମହାବାହୁ । ଏପଟେ ଶନିବାର କେନ୍ଦୁଝରର ଆରାଧ୍ୟ ଦେବତା ବଳଦେବଜୀଉଙ୍କ ସୁନାବେଶ ଅନୁଷ୍ଠିତ ହୋଇଯାଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, କେନ୍ଦୁଝର
ଆଜିର ଏହି ସୁନାବେଶରେ ଚତୁର୍ଦ୍ଧାମୂରତୀଙ୍କୁ ପ୍ରାୟ ୧୮ କିଲୋଗ୍ରାମ ଓଜନର ସୁନା ଓ ରୁପା ଅଳଙ୍କାରରେ ଭୁଷିତ କରାଯାଇଥିଲା । ପ୍ରଭୁ ବଳଦେବଜୀଉଙ୍କ ମୁକୁଟରେ ୧୦ଟି ପଥର ଥିବା ସୁନା ମୁକୁଟ, ସୁଭଦ୍ରାଙ୍କର ୧୨ଟି ଓ ଜଗନ୍ନାଥଙ୍କର ୧୨ଟି ପଥର ଥିବା ସୁନା ମୁକୁଟ ଖଞ୍ଜା ଯାଇଛି । ଏହାସହ ଏହି ତିନି ମୂର୍ତ୍ତିଙ୍କ ଦେହରେ ୫ଟି କିୟା ପତ୍ର, ସୁନା ପେଟି, କୁଣ୍ଡଳ, ପୟର ଆଦି ସୁନା ଗହଣା ମାନ ଖଞ୍ଜା ଯାଇଛି ।