କେନ୍ଦୁଝର: ଖରାପ ଅବସ୍ଥା ଦେଇ ଗତି କରୁଛି କେନ୍ଦୁଝର କରିବାହଲ ଜୁରୁଡ଼ି ବାମେବାରି ରାସ୍ତା । ଫଳରେ ଛାତ୍ରଛାତ୍ରୀ ବିଦ୍ୟାଳୟକୁ ଯିବା ଆସିବା ପାଇଁ ହଇରାଣ ହେଉଛନ୍ତି । ଆଜି ଜୁରୁଡ଼ି ରାସ୍ତା କରିବାହଲ ଠାରେ ସ୍କୁଲ ବସ ନ ଯିବାରୁ ବାଧ୍ୟ ହୋଇ ଛାତ୍ରଛାତ୍ରୀ ରାସ୍ତା ଅବରୋଧ କରି ବିକ୍ଷୋଭ ପ୍ରଦର୍ଶନ କରିଥିବା ଜଣାପଡିଛି ।
ଦୀର୍ଘଦିନ ଧରି ଜୁରୁଡ଼ି ବାମେବାରି ରାସ୍ତା ଅବସ୍ଥା ଖରାପ ହୋଇରହିଛି । ପ୍ରତ୍ୟେକ ଦିନ ସେହି ରାସ୍ତା ଦେଇ ଶହ ଶହ ଆଇରନ ବୋଝେଇ ଟ୍ରକ ଯିବା ଆସିବା କରୁଛି । ଫଳରେ ରାସ୍ତାଘାଟ ସମ୍ପୂର୍ଣ୍ଣ ଭାବରେ ନଷ୍ଟ ହୋଇଯାଇଛି । ଏହି ରାସ୍ତା ଦେଇ ବହୁ ସ୍କୁଲ ଛାତ୍ରଛାତ୍ରୀ ସବୁଦିନ ବିଦ୍ୟାଳୟକୁ ଯାଉଥିବାରୁ ବର୍ଷା ଯୋଗୁଁ ରାସ୍ତା ଆହୁରି ନଷ୍ଟ ହେବା ଫଳରେ ଛାତ୍ରାଛାତ୍ରୀ ରାଜରାସ୍ତାକୁ ଓହ୍ଲାଇ ବିକ୍ଷୋଭ ପ୍ରଦର୍ଶନ କରିଛନ୍ତି ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
