କେନ୍ଦୁଝର: ଉତ୍ତର ଓଡିଶା ବିଶ୍ବବିଦ୍ୟାଳୟର ଦ୍ବିତୀୟ କ୍ୟାମ୍ପସ କେନ୍ଦୁଝର ସହର ଠାରେ ଖୋଲିଛି । ଏହି ଦ୍ବିତୀୟ କ୍ୟାମ୍ପସ ତିନି ବର୍ଷ ଧରି ଖୋଲିଥିଲେ ମଧ୍ୟ କିଛି ମୌଳିକ ସୁବିଧା ସୁଯୋଗ ମିଳୁନଥିବା ଅଭିଯୋଗ ହୋଇଛି । କ୍ୟାମ୍ପସ ଖୋଲିବା ଦିନଠାରୁ ସବୁଦିନ ଚଳାଚଳ ରାସ୍ତା ମଧ୍ୟ ସମ୍ପୂର୍ଣ୍ଣ ହୋଇପାରୁନାହିଁ ।
ଭିଡିଓ ସୌଜନ୍ୟ- ସମ୍ବାଦଦାତା, କେନ୍ଦୁଝର
ଏହି ଦ୍ବିତୀୟ କ୍ୟାମ୍ପସରେ ପାଞ୍ଚ ଶହରୁ ଊର୍ଦ୍ଧ୍ବ ଛାତ୍ରଛାତ୍ରୀ ଅଧ୍ୟୟନ କରୁଛନ୍ତି । ଏହି ଛାତ୍ରଛାତ୍ରୀଙ୍କ ପାଇଁ କ୍ୟାମ୍ପସ ଭିତରେ ଟିଚିଂ ଶିକ୍ଷକ ପଦବୀ ଥିଲେ ତାହା ମଧ୍ୟ ପୂରଣ ହୋଇପାରୁନାହିଁ । କ୍ୟାମ୍ପସ ମଧ୍ୟରେ ଏଟିଏମ, ପିଇବାପାଣି, କ୍ୟାଣ୍ଟିନ, ୱାଇଫାଇ, ପାର୍କିଂ, ଏମିତିକି ଛାତ୍ରଛାତ୍ରୀଙ୍କ ପାଇଁ ସ୍ବତନ୍ତ୍ର କମନ ରୁମର ମଧ୍ୟ ବ୍ୟବସ୍ଥା ନାହିଁ ।