କେନ୍ଦୁଝର: ପ୍ରଶାସନ ପକ୍ଷରୁ ସରପଞ୍ଚଙ୍କୁ ଅବହେଳା ଅଭିଯୋଗ । ପଞ୍ଚାୟତର କାମରେ ସରପଞ୍ଚଙ୍କୁ ଡକା ଯାଉନଥିବା ଅଭିଯୋଗ ଆଣିଛନ୍ତି ସରପଞ୍ଚ । ଯାହାକୁ ନେଇ ସରପଞ୍ଚ ନିଜ ପଦରୁ ଇସ୍ତଫା ଦେଇଛନ୍ତି । ଏପରି ଘଟଣା ଦେଖିବାକୁ ମିଳିଛି କେନ୍ଦୁଝରର ବରଦାପାଳ ପଞ୍ଚାୟତରେ ।
ସୂଚନାନୁଯାୟୀ, ଜିଲ୍ଲା ପ୍ରଶାସନ ଓ ଭୂୟାଁ ସାଂସ୍କୃତିକ ସଙ୍ଗଠନ କେନ୍ଦୁଝର ପକ୍ଷରୁ ମହାନ ବିପ୍ଳବୀ ଧରଣୀଧରଙ୍କ ଜନ୍ମସ୍ଥାନ ସଦରବ୍ଲକ ବରଦାପାଳ ପଞ୍ଚାୟତ କସୁମିତା ଗ୍ରାମ । ଯେଉଁଠାରେଠାରେ ଶୁକ୍ରବାର ଧରଣୀଧରଙ୍କ ଜୟନ୍ତୀ ଅନୁଷ୍ଠିତ ହୋଇଯାଥିଲା । ଜିଲ୍ଲା ପ୍ରଶାସନ ପକ୍ଷରୁ ଆୟୋଜିତ ଏହି ସମାରୋହକୁ ନିର୍ବାଚିତ ଲୋକପ୍ରତିନିଧି ଓ ପ୍ରଶାସନିକ ଅଧିକାରୀଙ୍କୁ ନିମନ୍ତ୍ରଣ କରାଯାଇଥିଲା । ମାତ୍ର ବରଦାପାଳ ସରପଞ୍ଚ ଗଣେଶଚନ୍ଦ୍ର ମୁଣ୍ଡାଙ୍କୁ ସାମାନ୍ୟ ସୂଚନା ଦିଆଯାଇନଥିଲା ବୋଲି ଅଭଯୋଗ କରିଛନ୍ତି ସରପଞ୍ଚ ।
ସରପଞ୍ଚ ଗଣେଶଚନ୍ଦ୍ର ମୁଣ୍ଡା କହିଛନ୍ତି,‘‘ନିଜ ପଞ୍ଚାୟତ ଅଞ୍ଚଳରେ ଜିଲ୍ଲା ପ୍ରଶାସନ ପକ୍ଷରୁ ଏଭଳି ଏକ ଜିଲାସ୍ତରୀୟ ସମାରୋହକୁ ସ୍ଥାନୀୟ ସରପଞ୍ଚଙ୍କୁ ଉପେକ୍ଷା କରାଯାଇଛି । ତେଣୁ ମୁଁ ମୋର ଇସ୍ତଫା ପତ୍ର ସଦର ବିଡିଓଙ୍କୁ ପଠାଇଛି । ଜଣେ ଆଦିବାସୀ ନେତା ହୋଇଥିବାରୁ ଉକ୍ତ ଜିଲ୍ଲା ସ୍ତରୀୟ ସମାରୋହକୁ ନିଜ ପଞ୍ଚାୟତରେ କରାଯାଇଥିଲେ ହେଁ, ମୋତେ ନିମନ୍ତ୍ରଣ କରାଯାଇ ନାହିଁ । ପଞ୍ଚାୟତର ନାମ କୌଣସି ସ୍ଥାନରେ ଉଲ୍ଲେଖ ନ ହେବା ମୋତେ ବ୍ୟଥିତ କରିବା ସହ ସରପଞ୍ଚ ପଦରେ ରହିବାକୁ ମୁଁ ଯୋଗ୍ୟ ମଣୁନାହିଁ । ତେଣୁ ଇସ୍ତଫା ଦେଇଛି । ପ୍ରଶାସନ ଯଦି କ୍ଷମା ପ୍ରାର୍ଥନା କରେ ସେ ଇସ୍ତଫା ପ୍ରତ୍ୟାହାର କରିନେବେ ’’ ।