ଆନନ୍ଦପୁର:ବିପର୍ଯ୍ୟସ୍ତ ହୋଇପଡିଛି ଆନନ୍ଦପୁରବାସୀଙ୍କ ଯାତାୟାତ ବ୍ୟବସ୍ଥା । ଗୋଟିଏପଟେ ରାସ୍ତା ଜାମ ଲୋକଙ୍କ ପାଇଁ ସମସ୍ୟା ସାଜି ଥିବା ବେଳେ ଅନ୍ୟପଟେ 2 ପୋଲ ଲୋକଙ୍କ ମରଣଜନ୍ତା ପାଲଟିଛି । ଆନନ୍ଦପୁର ପୋଲ ଓ ବେଲବାହାଳୀପୋଲ ବିପଦ ସଙ୍କୁଳ ଅବସ୍ଥାରେ ରହିଛି । ଯାହାକୁ ନେଇ ସ୍ଥାନୀୟ ଲୋକଙ୍କ ମଧ୍ୟରେ ଅସନ୍ତୋଷ ବଢିବାରେ ଲାଗିଛି ।
ବିପର୍ଯ୍ଯସ୍ତ ହୋଇ ପଡିଛି ଗମନାଗମନର ବ୍ୟବସ୍ଥା, ଆନ୍ଦୋଳନ ପାଇଁ ଦେଲେ ଚେତାବନୀ
ଘସିପୁରା ନିକଟ 20ନମ୍ବର ଜାତୀୟ ରାଜପଥର ବେଲବାହାଳି ପୋଲ । ଦିନରାତି ଏଠାରେ ରାସ୍ତା ଜାମ ଲାଗି ରହୁଛି । ପୋଲର ଉଭୟ ପାର୍ଶ୍ବରେ 5କିଲୋମିଟର ଦୂର ଯାଏ ଭାରିଯାନ ଦିନ ଦିନ ଧରି ଠିଆ ହୋଇ ରହୁଛି । ଫଳରେ ଲୋକଙ୍କର ଘରୁ ବାହାରିବା ମୁସ୍କିଲ ହୋଇ ପଡୁଛି । ଅଧା ପାନ୍ତରିଆ ରାସ୍ତା ଯୋଗୁଁ ଦୁର୍ଘଟଣାରେ ପ୍ରତିଦିନ ଏକାଧିକଙ୍କ ଜୀବନ ଯାଉଥିବା ଅଭିଯୋଗ ହୋଇଛି ।