ବାଇକ ଉପରେ ଚଢିଗଲା ଟ୍ରକ; ଜଣେ ମୃତ, ଦୁଇ ଗୁରୁତର

ଆନନ୍ଦପୁର ଉପଖଣ୍ଡ ଶୈଲଙ୍ଗ ସର୍ଭିସ ରୋଡରେ ମର୍ମନ୍ତୁଦ ସଡ଼କ ଦୁର୍ଘଟଣା । ବାଇକ ଉପରେ ଚଢିଗଲା ଟ୍ରକ । ଏହି ଦୁର୍ଘଟଣାରେ ଜଣେ ଯୁବକ ମୃତ, 2 ଗୁରୁତର ଅଛନ୍ତି । ଅଧିକ ପଢନ୍ତୁ...

ଆନନ୍ଦପୁର:ଆନନ୍ଦପୁର ଉପଖଣ୍ଡ ଶୈଲଙ୍ଗ ସର୍ଭିସ ରୋଡରେ ମର୍ମନ୍ତୁଦ ସଡ଼କ ଦୁର୍ଘଟଣା । ଏହି ଦୁର୍ଘଟଣାରେ ଜଣେ ଯୁବକ ମୃତ, 2 ଗୁରୁତର ଅଛନ୍ତି । ସୂଚନା ଅନୁସାରେ ବାଇକ ଯୋଗେ 3 ଯୁବକ ବଜାରକୁ ଯାଉଥିବା ସମୟରେ ବିପରୀତ ରାସ୍ତାରେ ଆସୁଥିବା ଟ୍ରକଟି ତାଙ୍କ ବାଇକ ଉପରେ ଚଢ଼ିଯାଇଥିଲା । ଫଳରେ ଘଟଣାସ୍ଥଳରେ ହିଁ ବାଇକ ଆରୋହୀଙ୍କର ମୃତ୍ୟୁ ଘଟିଛି ।

ସେପଟେ ମୃତ ଯୁବକର ପରିଚୟ ମିଳିପାରି ନଥିବା ବେଳେ ଘଟଣାସ୍ଥଳରେ ଘଷିପୁରା ପୋଲିସ ପହଞ୍ଚି ଗାଡି ଜବତ କରିଛି । ଏହା ହିତ ଅଧିକ ତଦନ୍ତ ଜାରି ରଖିଛି । ବାଇକରେ ଥିବା ଅନ୍ୟ ଦୁଇଜଣ ଗୁରୁତର ଆହତ ଅବସ୍ଥାରେ ଆନନ୍ଦପୁର ମେଡିକାଲରେ ଭର୍ତ୍ତି ହୋଇଛନ୍ତି ।

ଆନନ୍ଦପୁରରୁ ସ୍ମୃତି ରଞ୍ଜନ ବିହାରୀ, ଇଟିଭି ଭାରତ