ଆନନ୍ଦପୁର: ଘରେ ବସିରହିଛି ପାଠ ପଢୁଆ ପୁଅ । ପାଠ ପଢ଼ାରେ ବେଡି ପକାଇଛି ଗୋଡ଼ର ଘା’ । ଚଲା ବୁଲା କରିପାରୁନି । ଟଙ୍କା ଅଭାବରୁ ପୁଅକୁ ଭଲ କରିପାରୁନି ବାପା ।
ଭିଡିଓ ସୌଜନ୍ୟ: ପ୍ରତିନିଧି, ଆନନ୍ଦପୁର
କେନ୍ଦୁଝର ଜିଲ୍ଲା ଘସିପୁରା ବ୍ଲକ ବେଲଦା ଗାଁର ରମେଶ ଓଝା । ତିନି ପ୍ରାଣୀ ଙ୍କୁ ନେଇ ତାଙ୍କ ପରିବାର । ଦିନ ମଜୁରିଆ ହେଇଥିବାରୁ ଯେଉଁଦିନ କାମ ବନ୍ଦ ସେ ଦିନ ତାଙ୍କ ଚୁଲି ଜଳେ ନାହିଁ । ଏମିତି ଅବସ୍ଥାରେ ତାଙ୍କ ପୁଅ ରଞ୍ଜନର ଗୋଡ଼ ରୋଗ (ଘା) ହୋଇଥିବାରୁ ତାର ଚିକିତ୍ସା ପାଇଁ ଜମିବାଡ଼ି ସହିତ ବେଲା କଂସା ସବୁ ବିକ୍ରି ଦେଇଛନ୍ତି । ହେଲେ କିଛି ଲାଭ ହେଲା ନାହିଁ । ଅଧିକ ଚିକିତ୍ସା ପାଇଁ ତାଙ୍କ ପାଖରେ ନାହିଁ ସମ୍ବଳ । ପୁଅର ଏହି ଅସହାୟ ଅବସ୍ଥାରେ ଭାଙ୍ଗି ପଡିଛନ୍ତି ପରିବାର । ତେବେ ପୁଅକୁ ଭଲ କରିବାକୁ ସରକାରୀ ସହାୟତା ଅପେକ୍ଷାରେ ପରିବାର ।