ଏମିତି ବି ମୃତ୍ୟୁ, ଯାଞ୍ଚ ପାଇଁ ଯାଇଥିଲେ ମାଡିଗଲା ଯନ୍ତ୍ର ଦାନବ

ଟ୍ରେନ ଧକ୍କାରେ ରେଳ କର୍ମଚାରୀଙ୍କ ମୃତ୍ୟୁ । ପୋଲିସର ତଦନ୍ତ ଜାରି । ଅଧିକ ପଢନ୍ତୁ...

କେନ୍ଦୁଝର:ଟ୍ରେନ ଧକ୍କାରେ ରେଳ କର୍ମଚାରୀଙ୍କ ମୃତ୍ୟୁ ହୋଇଛି । ମୃତକ ହେଲେ କେନ୍ଦୁଝର ସହରର ଶିବନାରାୟଣପୁରର ଶାନ୍ତନୁ କୁମାର ଦାସ ବୋଲି ଜଣାପଡିଛି। ଘଟଣାସ୍ଥଳରେ ରେଳ ବିଭାଗର ବରିଷ୍ଠ ଅଧିକାରୀ, ରେଲୱେ ପୋଲିସ, ଢେଙ୍କିକୋଟ ଫାଣ୍ଡି ଅଧିକାରୀ ପହଞ୍ଚିଛନ୍ତି । ପୋଲିସ ମୃତଦେହ ଉଦ୍ଧାର କରି ତଦନ୍ତ ଜାରି ରଖିଛି ।

ସୂଚନା ଅନୁସାରେ, ସେ ଆଜି ସେକ୍ସନ ତଦାରଖ ପାଇଁ ସୀତାବିଞ୍ଜ ଷ୍ଟେସନକୁ ଆସିଥିଲେ। ହେଲେ ହଠାତ ଏକ ଟ୍ରେନ ମାଡ଼ିଆସି ତାଙ୍କୁ ଧକ୍କା ଦେଇଥିଲା ଫଳରେ ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଥିଲା। ସେ ରେଳ ବିଭାଗର ଟ୍ରାକ ସେକ୍ସନ ଇଂଜିନିୟର ଭାବେ କାର୍ଯ୍ୟ କରୁଥିଲେ ବୋଲି ଜଣାପଡିଛି ।

କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ