କେନ୍ଦୁଝର: ଜିଲ୍ଲାରେ ଆରମ୍ଭ ହେଲା ମାଣ୍ଡିଆ ସଫା କେନ୍ଦ୍ର । ମାଣ୍ଡିଆ ଚାଷକୁ କିପରି ବ୍ୟବସ୍ଥିତ କରି ବିକ୍ରି କରାଯିବ, ସେ ନେଇ ଜିଲ୍ଲା ପ୍ରଶାସନ ପଦକ୍ଷେପ ଗ୍ରହଣ କରିଛି । ଏଥିପାଇଁ ପ୍ରଶାସନ ପକ୍ଷରୁ ଜିଲ୍ଲାରେ ଏକ ମାଣ୍ଡିଆ ସଫା କେନ୍ଦ୍ର ପ୍ରତିଷ୍ଠା କରାଯାଇଛି । ପ୍ରଥମ କରି ଜିଲ୍ଲାରେ ଏଭଳି ଏକ ପଦକ୍ଷେପ ଗ୍ରହଣ କରାଯାଇଛି ।
କେନ୍ଦୁଝରରେ ପ୍ରଥମ ମାଣ୍ଡିଆ ସଫା କେନ୍ଦ୍ର ପ୍ରତିଷ୍ଠିତ
ଦିନକୁ ଦିନ ମାଣ୍ଡିଆର ଚାହିଦା ବଢ଼ିବାରେ ଲାଗିଛି । ଏହା ପୃଷ୍ଟିଯୁକ୍ତ ଥିବାରୁ ସରକାର ମଧ୍ୟ ଏହାର ଚାଷ ଉପରେ ପ୍ରାଧାନ୍ୟ ଦେଉଛନ୍ତି । କେନ୍ଦୁଝର ଜିଲ୍ଲାରେ ପ୍ରଶାସନ ଏହାକୁ ଏକ ମିଶନ ଭାବେ ନେଇ ସଫଳ ହୋଇଛି । ମାଣ୍ଡିଆ ମିଶନ ମାଧ୍ୟମରେ ଚାଷୀଙ୍କ ଠାରୁ ଅମଳ ମାଣ୍ଡିଆକୁ ସଂଗ୍ରହ କରୁଛି ପ୍ରଶାସନ । ଏହାକୁ କିପରି ବ୍ୟବସ୍ଥିତ କରି ବିକ୍ରି ବୃଦ୍ଧି କରିହେବ, ସେନେଇ ଉଦ୍ୟମ ଆରମ୍ଭ କରିଛି ପ୍ରଶାସନ । ଜିଲ୍ଲା ପ୍ରଶାସନ ଡିଏମଏଫ ପାଣ୍ଠି ସହାୟତା କେନ୍ଦୁଝର ସହର ନିକଟସ୍ଥ ଜାମୁହତା କୃଷ୍ନା ସ୍ୱୟଂ ସହାୟକ ଗୋଷ୍ଠୀକୁ ମାଣ୍ଡିଆ ସଫା କେନ୍ଦ୍ର ରୂପେ ପ୍ରତିଷ୍ଠା କରାଯାଇଛି ।