ଆନନ୍ଦପୁର: ଗାଈ ଚରାଉଥିବା ବେଳେ ଘଟିଛି ଏକ ଅଘଟଣ । କେନ୍ଦୁଝର ଜିଲ୍ଲା ଘଷିପୁରା ବ୍ଲକ ଅଧିନ ତୁଳସୀପୁର ଗାଁରେ ଦେଖିବାକୁ ମିଳିଛି ଏଭଳି ଅଭାବନୀୟ ଦୃଶ୍ୟ । ନଦୀ ପଠାରେ ଯୁବକ ଜଣକ ଗାଈ ଚରାଉଥିବା ବେଳେ ଘଟିଛି ଏହି ଅଘଟଣ । ନଦୀ ପଠାକୁ ଗାଈ ଚରାଇବାକୁ ଯାଇଥିବା ବେଳେ ଏକ ବିରାଟକାୟ ଅଜଗର ଜଣେ ଯୁବକଙ୍କୁ ନଦୀ ଭିତରକୁ ଟାଣି ନେଇଥିଲା ।
ଗାଈ ଚରାଉଥିବା ବେଳେ ଅଘଟଣ: ଯୁବକଙ୍କୁ ନଦୀ ଭିତରକୁ ଟାଣି ନେଲା ଅଜଗର
ସୂଚନାନୁସାରେ ଭଗାମୁଣ୍ଡା ଅଞ୍ଚଳର ଗାଦୁ ମାଝୀ ନାମକ ଜଣେ ଯୁବକ ତୁଳସୀପୁର ଗାଁର ବାବାଜୀ ପାଢୀଙ୍କ ଘରେ ଦୀର୍ଘଦିନ ଧରି ଘର କାମ କରିଆସୁଥିଲେ । ତେବେ ସେ ଆଜି (ସୋମବାର) କୁଶେଇ ନଦୀ ପଠାକୁ ଗାଈ ଚରାଇବାକୁ ଯାଇଥିବା ବେଳେ ଏକ ବିରାଟକାୟ ଅଜଗର ତାଙ୍କୁ ନଦୀ ଭିତରକୁ ଟାଣି ନେଇଥିଲା ।