କେନ୍ଦୁଝର:ଜିଲ୍ଲାର ଯୋଡା ବ୍ଲକ ନମିରା ଗାଁର ପିଲୋ ଲାଭା ସ୍ଥାନ ଭାରତ ସରକାରଙ୍କ ଜିଓ ପର୍ଯ୍ୟଟନ ସ୍ଥାନ ଭାବରେ ଘୋଷିତ ହୋଇଛି । ଏହି ଘୋଷଣା ପରେ ଭାରତର ଜିଓଲୋଜିକାଲ ସର୍ଭେ ଏହି ସ୍ଥାନକୁ ସୁରକ୍ଷା ଦେବା ପାଇଁ ଆଗକୁ ବଢିଛି । ଏହି ସାଇଟ୍ ପୃଥିବୀର ଭୂତତ୍ତ୍ୱ ଦୃଷ୍ଟିକୋଣରୁ ଗୁରୁତ୍ୱପୂର୍ଣ୍ଣ ।
ଭାରତର ଭୂତତ୍ତ୍ୱ ସର୍ବେକ୍ଷଣ ତରଫରୁ ୨ଟି ସ୍ଥାନକୁ ଜାତୀୟ ଭୂତତ୍ତ୍ୱ ସ୍ମାରକୀ ଭାବରେ ଚିହ୍ନଟ କରାଯାଇଛି । ନମିରାରେ ପୀଲୋ ଲାଭା ସେହି ସ୍ଥାନ ମଧ୍ୟରୁ ଅନ୍ୟତମ । ଭାରତ ସରକାରଙ୍କୁ ୟୁନେସ୍କୋ ସବୁ ଭୌଗଳିକ ଦୃଷ୍ଟି କୋଣରୁ ଗୁରୁତ୍ବପୂର୍ଣ୍ଣ ସ୍ଥାନ ଗୁଡ଼ିକୁ ସଂକ୍ଷରିତ କରିବା ପାଇଁ ଅନୁରୋଧ କରିଥିଲା । ୧୯୭୬ ମସିହାରେ ଭାରତର ଜିଓଲୋଜିକାଲ୍ ସର୍ଭେ ନମିରାକୁ ଏକ ଜାତୀୟ ଭୂତତ୍ତ୍ୱ ସ୍ମାରକୀ ଭାବରେ ଘୋଷଣା କରିଥିଲା ଏବଂ TISCO ସେହି ସ୍ଥାନକୁ ପ୍ରାରମ୍ଭିକ ସମୟରେ ଏହି ସ୍ଥାନରେ ଏକ ମାର୍ବଲ୍ ସ୍ମାରକ ଲଗାଇଲା l ଯାହାକି ଭାରତରେ ଦ୍ବିତୀୟ ।
ଏହା ମଧ୍ୟ ପଢନ୍ତୁ: Border Gavaskar Trophy: ଜାଡେଜାଙ୍କ ବୋଲିଂରେ କଙ୍ଗାରୁ ଦଳ ଚିତ, ମଜବୁଜ ସ୍ଥିତିରେ ଭାରତ
ଅନୁମାନ କରାଯାଏ ଯେ, କର୍ଣ୍ଣାଟକର ଚିତ୍ରଦୁର୍ଗା ଜିଲ୍ଲାର ମାରାଡିହାଲି ଗାଁ ୨.୮ ବିଲିୟନ ବର୍ଷ ପୂର୍ବେ ଯେତେବେଳେ ଏହି ଅଞ୍ଚଳ ସମୁଦ୍ରରେ ଆଚ୍ଛାଦିତ ହୋଇଥିଲା ଏହି ଲାଭା ଆଗ୍ନେୟଗିରିରୁ ଉତ୍ପନ୍ନ ହେଲା ପରେ ସମୁଦ୍ର ଜଳ ସହିତ ମିଶ୍ରିତ ହୋଇଥିଲା । ଏହାସହ ଦ୍ରୁତ ଗତିରେ ଏକ ଗୋଲାକାର କିମ୍ବା ଗୋଲାକାର ତକିଆ ଆକୃତି ଗଠନ କରିଥିବା କଥା ଭୂତତ୍ତ୍ୱବିଦମାନେ କହିଥିଲେ । ଏହି ସାଇଟ୍ ଛାତ୍ର ଏବଂ ଅନୁସନ୍ଧାନକାରୀଙ୍କ ପାଇଁ ବହୁ ଉପଯୋଗୀ ହେବ ଯଦି ଅତ୍ୟଧିକ ଯତ୍ନ ସହ ସଂରକ୍ଷିତ ହୁଏ ।
ବିଳମ୍ବ ହୋଇଥିଲେ ମଧ୍ୟ ସରକାର ବର୍ତ୍ତମାନ ସକ୍ରିୟ ହୋଇଛନ୍ତି ଏବଂ ଏହାର ସୁରକ୍ଷା ପାଇଁ ଅଣାଯାଇଥିବା ବିଲ୍ ଖୁବ ଶୀଘ୍ର ଉଭୟ ଗୃହରେ ପାରିତ ହୋଇ କାର୍ଯ୍ୟକାରୀ ହେବ ବୋଲି ଆଶା କରାଯାଉଛି । ନମିରା ବାସୀ ମଧ୍ୟ ପରୋକ୍ଷ ଭାବରେ ଅର୍ଥନୈତିକ ଓ ସାମାଜିକ ଦୃଷ୍ଟିରୁ ବିକଶିତ ହେବାର ସୁଯୋଗ ସୃଷ୍ଟି ହୋଇଥିବା ଅଧିକାରୀ ମାନେ ପ୍ରକାଶ କରିଛନ୍ତି ।
ଏନେଇ କେନ୍ଦୁଝର ଡିଏଫଓ କହିଛନ୍ତି, "ଏହା ଆମ ଜିଲ୍ଲାରେ ରହିଥିବାରୁ ଆମେ ଗର୍ବିତ । ଏହି ଜାଗାକୁ ସଂରକ୍ଷଣ କରିବା ଏହାର ପ୍ରଧାନ ଉଦ୍ଦେଶ୍ୟ । ଫଳରେ ରିସର୍ଚ୍ଚ ସହ ପର୍ଯ୍ୟଟନ ସ୍ଥଳରେ ପରିଣତ ହେବ । ଯେଉଁସ୍ଥଳ ପାଇଁ ସ୍ଥାନୀୟ ଲୋକେ ଉପକୃତ ହେବେ । "
ଇଟିଭି ଭାରତ, କେନ୍ଦୁଝର
