କେନ୍ଦୁଝର: ଖଣି ସହର ଯୋଡ଼ା ବଡ଼ବିଲରେ ଦିନକୁ ଦିନ ବିଭିନ୍ନ ଅପରାଧୀଙ୍କ ଆଡ୍ଡା ଜମିବାରେ ଲାଗିଲାଣି। ପ୍ରଶାସନିକ ବ୍ୟବସ୍ଥାର ଦୁର୍ବଳତାର ଲାଭ ଉଠାଇ କରିଚାଲିଛନ୍ତି ଗୋଟିଏ ପରେ ଗୋଟିଏ ଅପରାଧ । ଏହି ଅଞ୍ଚଳ ଝାରଖଣ୍ଡ ରାଜ୍ୟର ସୀମାନ୍ତ ହୋଇଥିବାରୁ ଦିନ ଦିପହରରେ ଚୋରି, ଡ଼କାୟତି, ହତ୍ୟା କରି ଫେରାର ହେଇଯାଉଥିବା ଅଭିଯୋଗ ହେଉଛି ।
ବଡ଼ବିଲ ପୋଲିସ ହାତରେ ଧରା ପଡିଲେ ୬ ଦୁର୍ଦ୍ଦାନ୍ତ ଅପରାଧୀ
ପାଣିକୋଇଲି ରାଜମୁଣ୍ଡା ଏନଏଚ-୫୨୦ ରାଜପଥକୁ ଟାର୍ଗେଟ କରି ବିଭିନ୍ନ ମାରଣାସ୍ତ୍ର ସହ ବଟି ଆଦାୟ କରୁଛନ୍ତି ଏହି ଦୁର୍ଦ୍ଦାନ୍ତ ଅପରାଧୀ ସମୂହ। ଗତକାଲି(ରବିବାର) ରାତି ଦୁଇ ଘଟିକା ସମୟରେ ରଣାଶାଳ ଘାଟି ଓଏମସି ପାଖରେ ଅପରାଧୀ ମାନେ ଏକ ଡ଼କାୟତ ଯୋଜନା କରୁଥିବା ଜଣାପଡିଥିଲା। କୋଣସି ଏକ ସୂତ୍ରରୁ ଖବର ପାଇ ବଡ଼ବିଲ ପୋଲିସ ଟିମ ସହ ଅତର୍କିତ ଆକ୍ରମଣ କରିଥିଲା ଏବଂ ୬ ଜଣ ଅପରାଧୀଙ୍କୁ ଧରିବାରେ ସଫଳ ହୋଇଥିଲା ।