କେନ୍ଦୁଝର : କୋରୋନା ଠପ କରି ଦେଇଛି ଜୀବନ ଜୀବିକା । ଖଲିପତ୍ର ବିକ୍ରି କରି ପେଟ ପୋଷୁଥିବା ମଣିଷ ଚିନ୍ତାରେ । ହାତରେ ପଇସା ନଥିବାରୁ ଘରେ ଚୁଲି ଜଳୁନି । ସରକାର ମଧ୍ୟ ସାହାଯ୍ୟ କରୁନାହାଁନ୍ତି । ଯାହା ସଞ୍ଚିତ ଧନ ଥିଲା ତାହା ମଧ୍ୟ ଖର୍ଚ୍ଚ ହୋଇ ଯାଇଛି । ଆମେ କହୁଛୁ କେନ୍ଦୁଝର ଢ଼ିପା ସାହିର ଖଲିପତ୍ର ବିକାଳୀଙ୍କ କଥା । ଲକ ଡାଉନ ଯୋଗୁଁ, ଖଲି ପତ୍ର ବିକ୍ରି କରିବାକୁ ବଜାରକୁ ନେଇ ପାରୁ ନାହାଁନ୍ତି । ବଜାରକୁ ଗଲେ ,ପୋଲିସ ପିଟୁଥିବା କହିଛନ୍ତି ମହିଳା । ଏପରିକି, ଦୋକାନ ବଜାର ବନ୍ଦ ଥିବାରୁ ପୂର୍ବରୁ ପ୍ରସ୍ତୁତ ଖଲି ଚଉତି ସବୁ ଶୁଖି ନଷ୍ଟ ହୋଇଗଲାଣି ।
କରୋନା ପ୍ରଭାବ, ହାତ ବାନ୍ଧି ବସିଛନ୍ତି ଖଲିପତ୍ର ବିକାଳୀ