କେନ୍ଦୁଝର: କୋଭିଡ-19 ଭୁତାଣୁକୁ ଦୃଷ୍ଟିରେ ରଖି ରାଜ୍ୟର କୌଣସି ସ୍ଥାନରେ ରଥଯାତ୍ରା ନକରିବାକୁ ସୁପ୍ରିମକୋର୍ଟ ରାୟ ଶୁଣାଇଛନ୍ତି । ଯାହାକୁ ନେଇ ପୁରୀ ସମେତ ଓଡିଶାର ବିଭିନ୍ନ ସ୍ଥାନରେ ବିରୋଧର ସ୍ବର ଦେଖିବାକୁ ମିଳୁଛି । ଏନେଇ ସୁପ୍ରିମକୋର୍ଟରେ ମଧ୍ୟ ରିଭ୍ୟୁ ପିଟିସନ ଦାଖଲ ହୋଇଛି । ସୁପ୍ରିମକୋର୍ଟଙ୍କ ଆଦେଶ ପରେ କେନ୍ଦୁଝର ଜିଲ୍ଲାର ଆରାଧ୍ୟ ଦେବତା ଶ୍ରୀ ବଳଦେବଜୀଉଙ୍କ ରଥଯାତ୍ରା ମଧ୍ୟ ବନ୍ଦ ହୋଇଛି ।
ଶ୍ରୀ ବଳଦେବଜୀଉଙ୍କ ରଥଯାତ୍ରା ବନ୍ଦକୁ ବିରୋଧ
ରବିବାର ଏହି ରଥଯାତ୍ରା ବନ୍ଦକୁ ବିରୋଧ କରିଛି ପହଣ୍ଡିଆ ସଙ୍ଘ । ଏନେଇ ଜିଲ୍ଲାପାଳ ମନ୍ଦିରର ବରିଷ୍ଠ ସେବାୟତଙ୍କ ସହ ଆଲୋଚନା ପରେ ରଥଯାତ୍ରା ବନ୍ଦ ନେଇ ନିର୍ଦ୍ଦେଶ ଦେଇଥିଲେ । ତାଙ୍କ ସହ ବିନା ଆଲୋଚନାରେ ପ୍ରଶାସନ ଏଭଳି ଆଦେଶ ଦେଇଥିବା ବେଳେ ଚତୁର୍ଦ୍ଧାମୂର୍ତ୍ତୀଙ୍କ ଘୋଷଯାତ୍ରା ହେବା ପାଇଁ ନିବେଦନ କରିଛି ସଙ୍ଘ ।