ପୋଖରୀରେ ବୁଡି ଯୁବକ ମୃତ

କେନ୍ଦୁଝର ପୁରୁମୁଣ୍ଡା ଗ୍ରାମ ପୁରୁଣା ପୋଖରୀରେ ବୁଡି ଯୁବକ ମୃତ ଅଧିକ ପଢନ୍ତୁ...

କେନ୍ଦୁଝର: ଜିଲ୍ଲାର ଘଟଗାଁ ବ୍ଲକ ପଣ୍ଡାପଡା ଥାନା ଅନ୍ତର୍ଗତ ପୁରୁମୁଣ୍ଡା ଗ୍ରାମ ପୁରୁଣା ପୋଖରୀରେ ବୁଡି ଯୁବକଙ୍କ ମୃତ୍ୟୁ ଘଟିଛି ।

ଖବର ଅନୁଯାୟୀ ଗୁରୁବାର ସକାଳ 6 ଘଟିକା ସମୟରେ ଗ୍ରାମର ପୁରୁଷୋତ୍ତମ ବେହେରାଙ୍କ ପୁଅ ଯତିକୃଷ୍ଣ ବେହେରା ଶୌଚ ନିମନ୍ତେ ଗ୍ରାମ ନିକଟସ୍ଥ ପୁରୁଣା ପୋଖରୀକୁ ଯାଇଥିଲେ । ସେଠାରୁ ଫେରିବାରେ ବିଳମ୍ବ ହେବା କାରଣରୁ ପୁରୁଷୋତ୍ତମ ଖୋଜାଖୋଜି କରିବା ସମୟରେ ସେ ପୋଖରୀ କଡ଼ରେ ଭାସୁଥିବାର ଦେଖି କୂଳକୁ ଆଣିଥିଲେ ଲୋକେ।

ଏହାପରେ ତାଙ୍କୁ ହରିଚନ୍ଦନପୁର ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା । ହେଲେ ଚିକିତ୍ସା ଆରମ୍ଭ ପୂର୍ବରୁ ଡାକ୍ତର ତାଙ୍କୁ ମୃତ୍ୟୁ ଘୋଷଣା କରିଥିଲେ ।

କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ