ବିପଦରେ ଗଜରାଜ,ପୁଣି ହାତୀ ଶାବକର ମୃତ୍ୟୁ

କେନ୍ଦୁଝର ଜିଲ୍ଲାରେ ପୁଣି ହାତୀ ଶାବକର ମୃତ୍ୟୁ କାରଣ ଅସ୍ପଷ୍ଟ । କେନ୍ଦୁଝର ବନଖଣ୍ଡ ଅନ୍ତର୍ଗତ ଭୁଆଁ ଜୁଆଙ୍ଗ ପିଢ଼ ରେଞ୍ଜ ଅଞ୍ଚଳରେ ଏକ ହାତୀ ଶାବକ ମୃତ୍ୟୁ ହୋଇଛି ।ଅଧିକ ପଢନ୍ତୁ...

କେନ୍ଦୁଝର: ପୁଣି ହାତୀ ଶାବକର ମୃତ୍ୟୁ କାରଣ ଅସ୍ପଷ୍ଟ । କେନ୍ଦୁଝର ବନଖଣ୍ଡ ଅନ୍ତର୍ଗତ ଭୁଆଁ ଜୁଆଙ୍ଗ ପିଢ ରେଞ୍ଜ ଅଞ୍ଚଳରେ ଏକ ହାତୀ ଶାବକ ମୃତ୍ୟୁ ହୋଇଛି ।

କେନ୍ଦୁଝର ଜିଲ୍ଲାର ଭୁଆଁ ଜୁଆଙ୍ଗ ପିଢ଼ ରେଞ୍ଜ ଅଞ୍ଚଳରେ ତରମାକାନ୍ତ ନିକଟସ୍ଥ ଚାହା ବଗିଚା ନିକଟରେରେ ଏକ ହାତୀ ର ମୃତଦେହ ପଡ଼ିଥିବା ବୁଧବାର ସକାଳୁ ଗ୍ରାମବାସୀ ଦେଖିବାକୁ ପାଇଥିଲେ । ଏନେଇ ବନବିଭାଗ ଖବର ପାଇବା ପରେ ଘଟଣାସ୍ଥଳକୁ ଯାଇ ହାତୀ ଶାବକର ମୃତ୍ୟୁଦେହକୁ ଦେଖିବା ସହ କେଉଁ ପରିସ୍ଥିତିରେ ମୃତ୍ୟୁ ହୋଇଛି ତାର ତଦନ୍ତ ଆରମ୍ଭ କରିଛନ୍ତି ।

ପ୍ରକାଶ ଯୋଗ୍ୟ, ଗତ କିଛି ଦିନ ଧରି ଉକ୍ତ ଅଞ୍ଚଳରେ କ୍ରମାଗତ ଭାବେ ୫ଟି ହାତୀର ଉପଦ୍ରବ ବଢିଚାଲିଥିଲା । ଅଳ୍ପ ସଂଖ୍ୟକ ବନ କର୍ମଚାରୀଙ୍କ କାରଣରୁ ଅନେକ ସମୟରେ ଜିଲ୍ଲାରେ ହାତୀ ଠିକଠାକ ଭାବରେ ଗଣନା ହେଉ ନଥିବାରୁ ହାତୀ ମୃତ୍ୟୁ ସଂଖ୍ୟା ଜଣାପଡୁନାହିଁ । ତେଣୁ ହାତୀ ମଣିଷ ଲଢେଇ କିମ୍ବା ରୋଗ ଜନିତ ମୃତ୍ୟୁ ହୋଇଥିବା ବ୍ୟବଚ୍ଛେଦ ପରେ ସ୍ପଷ୍ଟ ହେବ ।

କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ