କେନ୍ଦୁଝର: ହରିଚନ୍ଦନପୁର ବ୍ଲକ ଅନ୍ତର୍ଗତ ଗୌଣିଘଷା ଗାଁ ନିକଟରେ ବନ ବିଭାଗ ପୋଲିସର ଚଢାଉ । 40ହଜାର ଟଙ୍କାର ଶାଳକାଠ,4ଟି ବାଇକ ଜବତ ସହ ଓ ଜଣଙ୍କୁ ଗିରଫ କରିଛି ବନବିଭାଗ ।
ବନ ବିଭାଗର ଚଢାଉ,ଚୋରା ଚାଲାଣ ଶାଳକାଠ ସହ ଜଣେ ଗିରଫ
ଖବର ଅନୁସାରେ ହରିଚନ୍ଦନପୁର ବ୍ଲକରେ ଚୋରାରେ କାଠ ଚାଲାଣ ହେଉଥିବା ଖବର ବନବିଭାଗ ପୋଲିସକୁ ମିଳିଥିଲା । ଖବର ପାଇ ଆନନ୍ଦପୁର ଡିଏଫଓ ଅଜିତ କୁମାର ଶତପଥୀଙ୍କ ନିର୍ଦ୍ଦେଶ କ୍ରମେ ଦେଓଗାଁ ରେଞ୍ଜ ହରିଚନ୍ଦନପୁରର ବନବିଭାଗ ପୋଲିସ ଚଢାଉ କରିଥିଲା । ଘଟଣାସ୍ଥଳରୁ ତିନିଟି 40ହାଜାର ଟଙ୍କାର ଶାଳକାଠ, ଚାରିଟି ବାଇକ ଓଡି 04ସି 5880,ଓଡି 04ସି 1157, ଓଡି 04 6253 ସହ ଗୋଟିଏ ନମ୍ବର ବିହୀନ ହିରୋ ସ୍ପେଣ୍ଡର ପ୍ଲସ ଗାଡି ଜବତ କରିଛି । ପୋଲିସର ଚଢାଉ ସମୟରେ ତିନିଜଣ ଫେରାର ହୋଇଯାଇଥିବା ବେଳେ ରାଧିକାଦେଇପୁର ଗ୍ରାମର ଚଗୁଲ ବାରିକ ଗିରଫ ହୋଇଛି ।