ଆକାଶରୁ ଖସିଲା ମୃତ୍ୟୁ ! ଚାଲିଗଲା ବୃଦ୍ଧଙ୍କ ଜୀବନ

ପୋଖରୀକୁ ଗାଧୋଇ ଯିବା ସାଜିଲା କାଳ । ବଜ୍ରାଘାତରେ ଆଖି ବୁଜିଲେ କେନ୍ଦୁଝର ବରହାପଶି ଗ୍ରାମର ଜଣେ ବୃଦ୍ଧ ।

କେନ୍ଦୁଝର: ବାରିଆ ଥାନା ଅର୍ନ୍ତଗତ ବରହାପଶି ଗ୍ରାମର ହୁକୁମ ଚାନ୍ଦ ମହାନ୍ତ ଶୌଚ ହେବା ପାଇଁ ଗାଁ ପୋଖରୀକୁ ଯାଇଥିବା ସମୟରେ ବଜ୍ରାଘାତରେ ପ୍ରାଣ ହରାଇଛନ୍ତି ।

ଗୁରୁତର ଅବସ୍ଥାରେ ହୁକୁମଚାନ୍ଦଙ୍କୁ କେନ୍ଦୁଝର ମୁଖ୍ୟ ଡାକ୍ତରଖାନାକୁ ଅଣା ଯାଇଥିଲା । ଡାକ୍ତର ତାଙ୍କୁ ମୃତ୍ୟୁ ଘୋଷଣା କରିବା ପରେ ବାରିଆ ପୋଲିସ ମୃତଦେହ ଜବତ କରି ବ୍ୟବଚ୍ଛେଦ ପାଇ ପଠାଇଛି ।

କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ