କେନ୍ଦୁଝର: ଦନ୍ତା ଆକ୍ରମଣରେ ବୃଦ୍ଧଙ୍କ ମୃତ୍ୟୁ । ଜଙ୍ଗଲକୁ ପତ୍ର ତୋଳିବାକୁ ଯାଇଥିବା ବେଳେ ହାତୀ ଆକ୍ରମଣରେ ଜଣେ ବୃଦ୍ଧଙ୍କ ମୃତ୍ୟୁ ଘଟିଛି । ଏହି ଅଭାବନୀୟ ଘଟିଛି ଚମ୍ପୁଆ ରେଞ୍ଜର ନୟାଗଡ଼ ପଞ୍ଚାୟତ ଅନ୍ତର୍ଗତ କଟୁପାଲି ଗ୍ରାମର ଧାତିକା ସାହିରେ।
ଗତକାଲି(ସୋମବାର) ଯୋଗୁନା ମୁଣ୍ଡା କଟୁପାଲି, ନୋଇବୁଗା ପାଖ ଜଙ୍ଗଲକୁ ଶାଳପତ୍ର ତୋଳିବାକୁ ଯାଇଥିବାବେଳେ ହାତୀ ସହିତ ମୁହାଁମୁହିଁ ହୋଇଥିଲେ । ହାତୀ ବୃଦ୍ଧଙ୍କୁ କଚାଡି ଦେବାରୁ ଘଟଣାସ୍ଥଳରେ ବୃଦ୍ଧଙ୍କ ମୃତ୍ୟୁ ଘଟିଥିଲା । ତେବେ ସୋମବାର ଠାରୁ ଘରକୁ ନଫେରିବାରୁ ଘରଲୋକ ବହୁ ଖୋଜାଖୋଜି କରିବା ପରେ ବୃଦ୍ଧଙ୍କ ପୁଅ ଓ ସାହିର କିଛି ଲୋକ ମଙ୍ଗଳବାର ସକାଳରେ ଜଙ୍ଗଲରୁ ମୃତଦେହ ପଡିଥିବା ଦେଖିବାକୁ ପାଇଥିଲେ ।