କେନ୍ଦୁଝର: ଟିକିରା ଆଦର୍ଶ ବିଦ୍ୟାଳୟ ଅଧ୍ୟକ୍ଷ ଛାତ୍ରଙ୍କୁ ମାଡ଼ମରିବା ଘଟଣାରେ ଛାତ୍ରଛାତ୍ରୀ ରାସ୍ତାରୋକ କରି ପ୍ରତିବାଦ କରିଛନ୍ତି । କେନ୍ଦୁଝର ଜିଲ୍ଲା ଟିକିରା ଓଡିଶା ଆଦର୍ଶ ବିଦ୍ୟାଳୟର ଜଣେ ନବମ ଶ୍ରେଣୀ ଛାତ୍ରଙ୍କୁ ବିଦ୍ୟାଳୟର ଅଧ୍ୟକ୍ଷ ମାଡ ମାରିଥିବା ନେଇ ଅଭିଯୋଗ ହୋଇଛି ।
ଭିଡିଓ ସୌଜନ୍ୟ : ସମ୍ବାଦଦାତା,କେନ୍ଦୁଝର ଗୁରୁବାର ଲଙ୍ଗଳକଣ୍ଟି ଗ୍ରାମର ରଞ୍ଜନ କୁମାର ଜେନାଙ୍କ ପୁଅ ହରପ୍ରସାଦ ଜେନାକୁ ବିଦ୍ୟାଳୟର ଅଧ୍ୟକ୍ଷ ବିଦ୍ୟାଳୟରେ ମାଡ ମାରିଥିବା ଅଭିଯୋଗ ହୋଇଛି । ମାଡ ଖାଇବା ପରେ ଛାତ୍ର ଜଣକ ଚାଲି ନପାରିବାରୁ ତାଙ୍କୁ ଜଣେ ଶିକ୍ଷକଙ୍କ ସ୍କୁଟିରେ ଛାତ୍ରଙ୍କୁ ଘର ଛାଡିଥିଲେ । ବାର୍ଷିକ କ୍ରୀଡ଼ା ପ୍ରତିଯୋଗିତା ଚାଲିଥିବା ବେଳେ ଛାତ୍ରଛାତ୍ରୀମାନେ ବିଦ୍ୟାଳୟ ଠାରୁ ଢେଙ୍କିକୋଟ ପର୍ଯ୍ୟନ୍ତ ଏକ ପ୍ରତିବାଦ ରାଲିରେ ଆସି ୨୦ ନଂ ଜାତୀୟ ରାଜପଥ ବନ୍ଦ କରିଥିଲେ ।
ଛାତ୍ରଛାତ୍ରୀମାନେ ଅଧ୍ୟକ୍ଷଙ୍କ ବଦଳି ଦାବିରେ ବହୁ ସମୟ ରାସ୍ତା ଅବରୋଧ କରିଥିଲେ । ପରେ ଘଟଗାଁ ପୋଲିସ ଓ ଜିଲ୍ଲା ଶିକ୍ଷାଧିକାରୀ ଘଟଣାସ୍ଥଳରେ ପହଞ୍ଚି ଛାତ୍ରଙ୍କୁ ବୁଝାସୁଝା ପରେ ରାସ୍ତା ଅବରୋଧ ହଟିଥିଲା ।
କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ
