କେନ୍ଦୁଝରରେ ନୋଡାଲ ଅଫିସରଙ୍କ 'ମୋ ସରକାର' କାର୍ଯ୍ୟକାରୀ ସମୀକ୍ଷା

'ମୋ ସରକାର' ଯୋଜନାର କାର୍ଯ୍ୟକାରିତାକୁ ନେଇ ସରକାରୀ ସ୍ତରରେ ତତ୍ପରତା ଦେଖାଦେଇଛି । କେନ୍ଦୁଝରରେ 5T ସଚିବଙ୍କ ପରେ ପରେ ଦୁଇ ଦିନିଆ ଗସ୍ତରେ ଅଛନ୍ତି କେନ୍ଦୁଝର ନୋଡାଲ ଅଫିସର ମୋନା ଶର୍ମା ।

କେନ୍ଦୁଝର: 5T ସଚିବ ଭି.କେ ପାଣ୍ଡିଆନଙ୍କ ଗସ୍ତ ପରେ କେନ୍ଦୁଝର ନୋଡାଲ ଅଫିସରଙ୍କ କେନ୍ଦୁଝର ଗସ୍ତ । ଦୁଇ ଦିନିଆ ଗସ୍ତରେ ଯାଇଥିବା ବେଳେ ଗତକାଲି ଜିଲ୍ଲା ମୁଖ୍ୟ ଚିକିତ୍ସାଳୟ ପରିଦର୍ଶନ କରିଛନ୍ତି । ଆଜି ସ୍ଥାନୀୟ ଦରବାର ହଲ ଠାରେ ବିଭିନ୍ନ ବିଭାଗର ସମୀକ୍ଷା କରିଛନ୍ତି ।

ସବୁଠି 'ମୋ ସରକାର' କାର୍ଯ୍ୟକ୍ରମ ଠିକ ଭାବେ କାର୍ଯ୍ୟକାରୀ ହେଉଛି ନା ନାହିଁ ସେ ଦିଗରେ ବ୍ୟାପକ ସମୀକ୍ଷା ଚାଲୁଛି । ଏହି ସମୀକ୍ଷା ବୈଠକରେ ଜିଲ୍ଲାପାଳ, ଜଙ୍ଗଲ ବିଭାଗ ଅଧିକାରୀଙ୍କ ସହ ବିଭିନ୍ନ ବିଭାଗର ଅଧିକାରୀ ଉପସ୍ଥିତ ଥିଲେ । ସମୀକ୍ଷା ପରେ ଡ.ଶର୍ମା ଘଟଗାଁ, ଆନନ୍ଦପୁର ବ୍ଲକ ସମୀକ୍ଷା କରିବା ସହ ଆନନ୍ଦପୁର ବନଖଣ୍ଡ ସମୀକ୍ଷା କରିବାର କାର୍ଯ୍ୟକ୍ରମ ରହିଛି ।

ଗତକାଲି ମୁଖ୍ୟଚିକିତ୍ସାଳୟ ସହ ସଦର, ଯୋଡା ଓ ଝୁମ୍ପୁରା ବ୍ଲକରେ ଚାଲୁଥିବା ବିଭିନ୍ନ ଉନ୍ନତି ମୂଳକ କାର୍ଯ୍ୟର ସମୀକ୍ଷା କରିଥିଲେ ମୋନା ଶର୍ମା ।

କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ