କେନ୍ଦୁଝର: ସୋରିଷ ତେଲ ବୋଝେଇ ମିନିଟ୍ରକ ଦୁର୍ଘଟଣାଗ୍ରସ୍ତ । କେନ୍ଦୁଝର ଜିଲ୍ଲା ଘଟଗାଁ ଥାନା ଅନ୍ତର୍ଗତ 20ନମ୍ବର ଜାତୀୟ ରାଜପଥ ଗୋଳାବନ୍ଧ ଗ୍ରାମ ନିକଟରେ ଦୁର୍ଘଟଣା ଘଟିଥିଲେ ବି କିଛି ମଜାଦାର ଦୃଶ୍ୟ ସାମ୍ନାକୁ ଆସିଛି । ଯେଉଁଠି ଗାଡି ଦୁର୍ଘଟଣାଗ୍ରସ୍ତ ହେବା ପରେ ମାଲାମାଲ୍ ହୋଇଛନ୍ତି ଲୋକେ ।
ସୂଚନା ଅନୁସାରେ, ମିନିଟ୍ରକ ଓଲଟିଯିବାରୁ ତେଲ ପ୍ୟାକେଟ ଗୁଡିକ ରାସ୍ତା କଡରେ ପଡିଯାଇଥିଲା। ଗାଡି ପାଖରେ କେହି ନଥିବାର ସୁଯୋଗ ନେଇ ଆଖପାଖ ଅଞ୍ଚଳର ଲୋକେ ତେଲ ଗୁଡିକୁ ବୋହି ନେଇଯାଇଥିଲେ । ଏପରିକି ରାସ୍ତା ଦେଇ ଯାଉଥିବା ଲୋକେ ମଧ୍ୟ ଗାଡ଼ିରୁ ଓହ୍ଲାଇ ତେଲ ପେଟି ଗୁଡିକୁ ବୋହି ନେଇଯାଇଥିଲେ।
ଭିଡିଓ ସୌଜନ୍ୟ:ସମ୍ବାଦଦାତା, କେନ୍ଦୁଝର