କେନ୍ଦୁଝର: ପୂର୍ବ ଶତୃତାକୁ କେନ୍ଦ୍ର କରି ଯୁବକଙ୍କ ଗଳାକାଟି ବିଭତ୍ସ ଭାବେ ହତ୍ୟା କଲେ ଦୁର୍ବୃତ୍ତ । କେନ୍ଦୁଝର ଯାଜପୁର ସୀମା ବୋର୍ଡର ଛକର ରାସ୍ତା ପାର୍ଶ୍ବରେ ଘଟିଛି ଏହି ହତ୍ୟାକାଣ୍ଡ । ମୃତକ ଜଣକ ଜନିନ୍ଦାପାଳ ଗ୍ରାମର ନିରଞ୍ଜନ ସାହୁ(୪୦) ବୋଲି ଜଣାପଡିଛି ।
ଭିଡିଓ ସୌଜନ୍ୟ: ସମ୍ବାଦଦାତା, କେନ୍ଦୁଝର
ସୂଚନା ମୁତାବକ, ଗ୍ରାମର ଜଣେ ବ୍ୟକ୍ତିଙ୍କ ସହ ଅନେକ ଦିନ ହେବ ନିରଞ୍ଜନଙ୍କର ବଚସା ହୋଇଥିଲା । ଯାହାଫଳରେ ଅନେକଥର ଦୁହିଁଙ୍କ ମଧ୍ୟରେ ଝଗଡ଼ା ସୃଷ୍ଟି ହେଉଥିଲା । ସେହି ବ୍ୟକ୍ତି ଜଣଙ୍କ ନିରଞ୍ଜନଙ୍କୁ ଅନେକ ଥର ହତ୍ୟା ଧମକ ମଧ୍ୟ ଦେଇଥିବା ମୃତକଙ୍କ ପରିବାର ଲୋକେ କହିଛନ୍ତି । ତେବେ ସେହି ବ୍ୟକ୍ତି ଜଣଙ୍କ ଏହି ହତ୍ୟାକାଣ୍ଡ କରିଥିବା ପରିବାର ଲୋକେ ଅଭିଯୋଗ କରିଛନ୍ତି ।