କେନ୍ଦୁଝର:ଦିନକୁ ଦିନ ରାଜ୍ୟରେ ତାପମାତ୍ରା ବୃଦ୍ଧି ପାଇବାରେ ଲାଗିଛି । ଏହି ଖରା ତାତିକୁ ଆହୁରି ବଢ଼ାଉଛି ପୌର ନିର୍ଵାଚନ ତାତି । ପୌର ନିର୍ବାଚନ ଯେତିକି ପାଖଉଛି ଡୋର ଟୁ ଡୋର କ୍ୟାମ୍ପେନ ସେତିକି ଜୋରଦାର ହେଉଛି । ଘରକୁ ଘର ଯାଇ ଭୋଟରଙ୍କୁ ମନେଇବା ପାଇଁ ପ୍ରାର୍ଥୀ ପ୍ରାର୍ଥିନୀ ଏବେ ନିର୍ବାଚନୀ ମଇଦାନରେ ।
Municipal Poll: ଘର ଘର ବୁଲି ପ୍ରଚାର କରୁଛନ୍ତି BJD ପ୍ରାର୍ଥୀ
ଏଥର କେନ୍ଦୁଝରଗଡ଼ ପୌରପାଳିକା ଅଧକ୍ଷା ପଦ ପାଇଁ ଶାସକ ବିଜେଡି ଓ ବିରୋଧୀ ଦଳ ବିଜେପି ମଧ୍ୟରେ ସିଧାସଳଖ ଟକ୍କର ହେଉଛି । ଦୁଇ ଦଳର ପ୍ରାର୍ଥୀ, ପ୍ରମୁଖ ନେତା ଏବେ ୱାର୍ଡ ୱାର୍ଡ ବୁଲି ଭୋଟରଙ୍କ ପାଖକୁ ଯାଇ ଭୋଟ ଭିକ୍ଷା କରୁଛନ୍ତି। ବିଜେଡି ଦଳର ପ୍ରାର୍ଥୀ ନିଜ ସମର୍ଥକଙ୍କ ସହ ଘରକୁ ଘର ଯାଇ ରାଜ୍ୟ ସରକାରଙ୍କ ବିଭିନ୍ନ ଉନ୍ନୟନ ମୂଳକ କାର୍ଯ୍ୟକୁ କେନ୍ଦ୍ରକରି ଭୋଟ ଭିକ୍ଷା କରୁଛନ୍ତି । ବିଜେଡିର ଏହି ପ୍ରଚାରରେ ଲୋକଙ୍କ ସମର୍ଥନ ଦେଖିବାକୁ ମିଳୁଛି ।