କେନ୍ଦୁଝର: ପୋଖରୀକୁ ଗାଧୋଇବାକୁ ଯାଇ ପାଣିରେ ବୁଡ଼ିଗଲେ ମା ଝିଅ । ଫଳରେ ଉଭୟଙ୍କ ମୃତ୍ୟୁ ଘଟିଛି । କେନ୍ଦୁଝର ଜିଲ୍ଲା ଜାମୁପଶି ସାହିରେ ଘଟିଛି ଅଘଟଣ । ଯାହାକୁ ନେଇ ପୁରା ଅଞ୍ଚଳରେ ଶୋକର ଛାୟା ଖେଳି ଯାଇଛି ।
ପୋଖରୀରେ ବୁଡି ଆଖି ବୁଜିଲେ ମାଆ ଝିଅ; ଗାଁରେ ଶୋକର ଛାୟା
ସୂଚନା ଅନୁଯାୟୀ ସାହିର ବାସୁଦେବ ନାଏକଙ୍କ ସ୍ତ୍ରୀ ଦ୍ରୌପଦୀ ନାଏକ ଚାଷ କାମରୁ ଫେରି ସନ୍ଧ୍ୟା ସମୟରେ ସାନ ଝିଅ ରିଙ୍କି ନାଏକଙ୍କ ସହିତ ଘର ନିକଟରେ ଥିବା ପୋଖରୀକୁ ଗାଧୋଇବାକୁ ଯାଇଥିଲେ। ତେବେ ଗାଧୋଉଥିବା ସମୟରେ ଗୋଡ଼ ଖସିଯିବାରୁ ମା ଝିଅ ଉଭୟ ପାଣିରେ ବୁଡ଼ି ଯାଇଥିଲେ । ମା ଓ ଝିଅ ଘରକୁ ଫେରିବାର ଡେରି ହେବାରୁ ବଡ ଝିଅ ବ୍ୟସ୍ତ ହୋଇ ଖୋଜା ଖୋଜି ପରେ ପୋଖରୀରେ ମା ଭାସୁଥିବାର ଦେଖିଥିଲା ।