ଶୁଦ୍ଧିକ୍ରିୟା ଭୋଜି ଖାଇ ୩୦ରୁ ଅଧିକ ଅସୁସ୍ଥ, 8 ଗୁରୁତର

କେନ୍ଦୁଝର ଜିଲ୍ଲା ଆନନ୍ଦପୁର ଥାନା ଦୁଡୁଗାଁ ଗ୍ରାମରେ ଭୋଜି ଖାଇ ୩୦ଜଣରୁ ଊର୍ଦ୍ଧ୍ବ ଗୁରୁତର ହୋଇଛନ୍ତି । ଅଧିକ ପଢନ୍ତୁ...

ଆନନ୍ଦପୁର: ଭୋଜି ଖାଇ ୩୦ରୁ ଅଧିକ ଲୋକ ଅସୁସ୍ଥ । କେନ୍ଦୁଝର ଜିଲ୍ଲା ଆନନ୍ଦପୁର ଥାନା ଦୁଡୁଗାଁ ଗ୍ରାମରେ ଭୋଜି ଖାଇ ୩୦ଜଣରୁ ଊର୍ଦ୍ଧ୍ବ ଗୁରୁତର ହୋଇଛନ୍ତି । ସମସ୍ତଙ୍କୁ ଡ଼ାକ୍ତରଖାନାରେ ଭର୍ତ୍ତି କରାଯାଇଛି ।

ସୂଚନାଅନୁସାରେ, ଦୁଡ଼ୁଗାଁ ଗ୍ରାମରେ ୭ ତାରିଖ ଦିନ ଜଣଙ୍କ ଘରେ ଏକାଦଶାହ ଭୋଜି ଥିଲା । ଗାଁର ସମସ୍ତେ ଖାଇବାକୁ ଯାଇଥିଲେ । ଭୋଜି ଖାଇ ଆସିବାର କିଛି ସମୟ ପରେ ସମସ୍ତଙ୍କର ଝାଡାବାନ୍ତି ହୋଇଥିଲା । ଗାଁର ପ୍ରାୟ ୩୦ରୁ ଊର୍ଦ୍ଧ୍ବ ଲୋକ ଅସୁସ୍ଥ ହୋଇଥିବା ଜଣା ପଡିଛି । ସମସ୍ତ ଅସୁସ୍ଥଙ୍କ ଭିତରେ ୮ ଜଣଙ୍କ ଅବସ୍ଥା ଗୁରୁତର ହୋଇଛି । ସେମାନଙ୍କୁ ଆନନ୍ଦପୁର ଉପଖଣ୍ଡ ଡ଼ାକ୍ତରଖାନାରେ ଭର୍ତ୍ତି କରାଯାଇଛି । ତେବେ ଖାଦ୍ୟରେ କେଉଁ ଅସୁବିଧା କାରଣରୁ ଏପରି ହୋଇଛି ତାହା ସ୍ପଷ୍ଟ ହୋଇନାହିଁ ।

ଆନନ୍ଦପୁରରୁ ସ୍ମୃତିରଞ୍ଜନ ବିହାରୀ, ଇଟିଭି ଭାରତ