ବନ୍ଧୁକ ମୁନରେ ୭ଲକ୍ଷରୁ ଉର୍ଦ୍ଧ୍ବ ଟଙ୍କାର ଗହଣା ଓ ମୋବାଇଲ ଲୁଟ୍

ଆନନ୍ଦପୁର ଉପଖଣ୍ଡ ସାଇଁକୁଳ ଗ୍ରାମରେ ବୁଧବାର ବିଳମ୍ବିତ ରାତିରେ ବନ୍ଧୁକ ମୁନରେ ଲୁଟି ନେଲେ ୭ଲକ୍ଷ ଟଙ୍କାରୁ ଉର୍ଦ୍ଧ୍ବ ସୁନା ଅଳଙ୍କାର ଓ ମୋବାଇଲ ଫୋନ । ଅଧିକ ପଢନ୍ତୁ...

ଆନନ୍ଦପୁର:ବନ୍ଧୁକ ଦେଖାଇ ଲୁଟି ନେଲେ ୭ଲକ୍ଷ ଟଙ୍କାରୁ ଉର୍ଦ୍ଧ୍ବ ସୁନା ଅଳଙ୍କାର ଓ ମୋବାଇଲ ଫୋନ । ଆନନ୍ଦପୁର ଉପଖଣ୍ଡ ରାମଚନ୍ଦ୍ରପୁର ଥାନା ଅଧିନ ସାଇଁକୁଳ ଗ୍ରାମରେ ବୁଧବାର ବିଳମ୍ବିତ ରାତିରେ ଘଟିଛି ଏହି ଅଘଟଣ । ଗ୍ରାମର ନଳିନୀ ଜେନାଙ୍କ ଘରେ ପୁରୁଷ ଲୋକ କେହି ନଥିବାର ସୁଯୋଗ ନେଇ ଚାରି ଜଣ ଡକାୟତ ଘରେ ଧସେଇ ପଶିବା ସହିତ ବନ୍ଧୁକ ଦେଖାଇ ୭ଲକ୍ଷ ଟଙ୍କାରୁ ଉର୍ଦ୍ଧ୍ବ ସୁନା ଅଳଙ୍କାର ଏବଂ ମୋବାଇଲ ଫୋନ ଲୁଟି ନେଇଥିଲେ ।

ଏନେଇ ପରିବାର ଲୋକେ ଥାନାରେ ଅଭିଯୋଗ କରିବା ପରେ ରାମଚନ୍ଦ୍ରପୁର ଥାନା ଅଧିକାରିଣୀ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି । ବାରମ୍ବାର ସାଇଁକୁଳ ଅଞ୍ଚଳରେ ଡକାୟତି ଘଟଣା ବଢ଼ୁଥିବାରୁ ପୋଲିସ ପାଟ୍ରୋଲିଂ ବଢାଇବାକୁ ସରପଞ୍ଚ ଦାବି କରିଛନ୍ତି ।

ଆନନ୍ଦପୁରରୁ ସ୍ମୃତି ରଞ୍ଜନ ବିହାରୀ, ଇଟିଭି ଭାରତ