କୂଅରୁ ମୃତଦେହ ଉଦ୍ଧାର, କାରଣ ଅସ୍ପଷ୍ଟ

କୂଅ ଭିତରୁ ବ୍ୟକ୍ତିଙ୍କ ମୃତଦେହ ଠାବ । ଏଭଳି ଅଭାବନୀୟ ଘଟଣା କେନ୍ଦୁଝର ଜିଲ୍ଲା ତୁରୁମୁଙ୍ଗା ଥାନା ଭୁଲୁଦା ଗ୍ରାମରେ ଘଟିଛି ।

କେନ୍ଦୁଝର: କୂଅ ଭିତରୁ ବ୍ୟକ୍ତିଙ୍କ ମୃତଦେହ ଠାବ । ଏଭଳି ଅଭାବନୀୟ ଘଟଣା କେନ୍ଦୁଝର ଜିଲ୍ଲା ତୁରୁମୁଙ୍ଗା ଥାନା ଭୁଲୁଦା ଗ୍ରାମରେ ଘଟିଛି । ମୃତ ବ୍ୟକ୍ତି ଜଣଙ୍କ ହେଲେ ତୁରୁମୁଙ୍ଗା ଥାନା ବଳିଆପଶି ଗ୍ରାମର ନରେନ୍ଦ୍ର ବେହେରା ।

ତେବେ ନରେନ୍ଦ୍ରଙ୍କ ମୃତଦେହ ଜଙ୍ଗଲ ଭିତରେ ଥିବା ଏକ କୂଅ ଭିତରୁ ମିଳିଛି । ଗାଁ ଲୋକେ ସକାଳୁ ଜଙ୍ଗଲକୁ ଯିବା ସମୟରେ କୂଅ ଭିତରେ ମୃତଦେହ ଭାସିବା ଦେଖି ପୋଲିସକୁ ଖବର ଦେଇଥିଲେ ।

ଖବରପାଇ ତୁରୁମୁଙ୍ଗା ପୋଲିସ ଓ ପାଟଣା ଅଗ୍ନିଶମ ବାହିନୀ ଘଟଣାସ୍ଥଳରେ ପହଁଞ୍ଚି ଶବକୁ ଜବତ କରିବା ସହ ଘଟଣାର ତଦନ୍ତ ଆରମ୍ଭ କରିଛି । ବର୍ତ୍ତମାନ ପର୍ଯ୍ୟନ୍ତ ମୃତ୍ୟୁର ପ୍ରକୃତ କାରଣ ଜଣା ପଡିନଥିବା ବେଳେ ନରେନ୍ଦ୍ର ତିନିଦିନ ହେବ ନିଖୋଜ ଥିଲା ଜଣାପଡିଛି ।

ସନ୍ତୋଷ କୁମାର ମହାପାତ୍ର, ଇଟିଭି ଭାରତ