କେନ୍ଦୁଝର: ପୁଣି ଗୁରୁ ଶିଷ୍ୟ ପବିତ୍ର ସମ୍ପର୍କରେ ଲାଗିଲା କଳଙ୍କ। ଯୋଡା ବ୍ଳକ ବେଲଦା ଉଚ୍ଚ ପ୍ରାଥମିକ ବିଦ୍ୟାଳୟରେ ଘଟିଛି ଏପରି ଘଟଣା । ସ୍କୁଲର ପ୍ରଧାନ ଶିକ୍ଷକ ବାଣେଶ୍ଵର ପାତ୍ର ବିଭିନ୍ନ ସମୟରେ ମଦ୍ୟପାନ କରି ପଞ୍ଚମ ଶ୍ରେଣୀ ଛାତ୍ରୀଙ୍କୁ ଅସଭ୍ୟ ଭାଷାରେ ଗାଳି ଗୁଲଜ କରନ୍ତି । ଖାଲି ସେତିକି ନୁହେଁ ତାଙ୍କୁ ସ୍କୁଲ ଓ ହଷ୍ଟେଲ କ୍ୟାମ୍ପସରେ ଶ୍ରମିକ ମାନଙ୍କ ଭଳି କାମ ମଧ୍ୟ କରାନ୍ତି । ଗତ ଶନିବାର ରାତିରେ ପ୍ରଧାନ ଶିକ୍ଷକ ମଦ୍ୟପାନ କରି ହଷ୍ଟେଲରେ ପସି ଝିଅମାନଙ୍କୁ ଟଣାଓଟରା କରିଥିବା ଅଭିଯୋଗ ହୋଇଥିଲା ।
ଛାତ୍ରୀଙ୍କୁ ଅସଦାଚରଣ
ଯାହାକୁ ମୁଣ୍ଡ ପାତି ସହିଯାଇଥିଲେ ପିଲାମାନେ । ହେଲେ ଶୁକ୍ରବାର ସଂଧ୍ୟାରେ ଶିକ୍ଷକ ଜଣଙ୍କ ମାତାଲ ଅବସ୍ଥାରେ ଛାତ୍ରୀଙ୍କୁ ପାଟିତୁଣ୍ଡ କରିବା ସହ ଖାଇ ସାରି ରୁମକୁ ଆସିବାକୁ କହିଥିଲେ । ଯାହା ଶୁଣି ପିଲାମାନେ ଡରି ଯାଇଥିଲେ । ଅନ୍ଧାର ହେବାରୁ ୧୫ ଜଣ ଝିଅ ଭୟରେ ହଷ୍ଟେଲ ଛାଡ଼ି ପାଖରେ ଥିବା ଜଣେ ଅଭିଭାବକଙ୍କ ଘରକୁ ଯାଇଥିଲେ ।