କେନ୍ଦୁଝର: ଜିଲ୍ଲା ସଦର ଥାନା ଅନ୍ତର୍ଗତ ମହାଦେଇଯୋଡ଼ା ଗ୍ରାମରେ ଦିନ ଦ୍ବିପ୍ରହରରେ ଲୁଟ୍ । ଗାଁର ସାର ବ୍ୟବସାୟୀ ଆନନ୍ଦ ଚନ୍ଦ୍ର ସାହୁଙ୍କ ଘରୁ ଲୁଟ୍ ହୋଇଛି । ଡକାୟତମାନେ ବ୍ୟବସାୟୀଙ୍କ ଘରୁ ଲକ୍ଷାଧିକ ଟଙ୍କା ଲୁଟି ନେଇଛନ୍ତି ।
ସାର ବ୍ୟବସାୟୀଙ୍କ ଘରୁ ଲକ୍ଷାଧିକ ଟଙ୍କା ଲୁଟ୍
ସୂଚନା ଅନୁଯାୟୀ ଆନନ୍ଦ ସାହୁ ଗାଁ ବାହାରେ ରହୁଥିବାବେଳେ ଗାଁରେ ଏକ ସାର ଦୋକାନ କରିଥିଲେ । ଆଜି(ମଙ୍ଗଳବାର) କୌଣସି କାର୍ଯ୍ୟରେ ଘରେ ତାଲା ପକାଇ ବାହାରକୁ ଯାଇଥିଲେ । ଏହି ସମୟରେ ସୁଯୋଗ ନେଇ ଡକାୟତମାନେ ଲୁଟ୍ କରିଛନ୍ତି ।