କେନ୍ଦୁଝର: ଏସଏଚଜିରୁ ନୂତନ ମେଟ ଚୟନକୁ ବିରୋଧ କଲା ଗାଁ ସାଥି ସଂଘ । ଜିଲ୍ଲାର ଶତାଧିକ ଗାଁ ସାଥି ଜିଲ୍ଲାପାଳଙ୍କ କାର୍ଯ୍ୟାଳୟକୁ ଆସି ଦାବିପତ୍ର ପ୍ରଦାନ କରିଛନ୍ତି । ସରକାରଙ୍କ ଏହି ନୂତନ ମେଟ ନିଯୁକ୍ତି ବନ୍ଦ କରିବାକୁ ଦାବି କରିଛି ଗାଁ ସାଥି ସଂଘ ।
ରାଜ୍ୟ ସରକାର ନୂତନ ଭାବେ ଗ୍ରାମରେ ପଲ୍ଲୀ ସଭା କରି ସ୍ବୟଂ ସହାୟକ ଗୋଷ୍ଠୀ ମଧ୍ୟରୁ ଦୁଇ ଜଣକୁ ପ୍ରତି ଗ୍ରାମରେ ନୂତନ ମେଟ ନିଯୁକ୍ତି ପାଇଁ ପତ୍ର ପ୍ରଦାନ କରିଛନ୍ତି । ଏହା ଦ୍ବାରା ପ୍ରତି ଗ୍ରାମରେ ଆଉ ଦୁଇ ଜଣ ମେଟ ନିଯୁକ୍ତି ହେଲେ ପୂର୍ବରୁ କାର୍ଯ୍ୟରତ ଦୁଇ ଜଣ ମେଟ କାର୍ଯ୍ୟ ସଂପାଦନରେ ବ୍ୟାଘାତ ହେବ ବୋଲି ଆଶଙ୍କା କରିଛି ଗାଁ ସାଥି ସଙ୍ଘ । ଏନେଇ ସଙ୍ଘ ପକ୍ଷରୁ ମଧ୍ୟ ଉଚ୍ଚ ନ୍ୟାୟାଳୟରେ କେଶ ଦାୟାର କରାଯାଇଛି । ତୁରନ୍ତ ଏହି ନିଯୁକ୍ତି ପ୍ରକ୍ରିୟା ବନ୍ଦ ନକଲେ ଆତ୍ମାହୁତି ଦେବାକୁ ସଂଘ ଚେତାବନୀ ଦେଇଛି ।
କେନ୍ଦୁଝରରୁ ସନ୍ତୋଷ କୁମାର ମହାପାତ୍ର,ଇଟିଭି ଭାରତ
